Sawltak 14:4 - Tedim Bible Revision 2017

⁴ Tua khua sunga om mite pawl nih pha uh a, pawl khat in Jew mite panpihin, pawl khat in sawltakte a panpih uh hi.

Tedim Bible

⁴ Khua sung mi honpite a kikhen uh a, kimkhat in Judah mite lamah, kimkhat in sawltakte lamah a kipawl uh hi.

Sawltak 14:4 Referans Kwoze

Sawltak 28:24

Pawl khatte in Paulʼ thugente um uh a, ahi zongin pawl khat in um lo uh hi.

Sawltak 19:9

Ahi zongin mi pawl khat in kin het loin um nuam lo uh a, mipiʼ zakin Topaʼ thu pai ziate gensia gawp uh ahih manin Paul in amaute nusia-in thu um mite paikhiatpih a, Tirannas in thugenna-in a neih innpi sungah nisimin thugenna hun a zang hi.

Sawltak 14:14

Ahi zongin Barnabas le Paul in hih thu a zak uh ciangin mihonteʼ vaihawmna a nialna limun a puan uh bal kekin mihon lakah tai-in kiko uh a,

1 KORIN MASA 9:5

Sawltak dangte, Topaʼ naute le Peter mah bangin ka khualzinna ah thu um mi ka zi a tonpih thei ding ka hi hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sap sa ahih manin kei adingin Barnabas le Saul hong pia khia un,” a ci hi.

Johan 7:43

Tua ahih manin Jesu thu tawh kisai ah mihonteʼ lungsim kituak lo hi.

Luka 2:34

Tua ciangin Simeon in amaute thupha a piak khit ciangin naungekʼ nu Mary kiangah, “Hih naungek pen, Israel mite sungah mi tampi in siatna a ngah nading le mi tampi in hotkhiatna a ngah nading ahi hi. Mi tampi in hih naungek nial ding uh a,

Micah 7:6

Tu hun ciangin tapate in a pate hai bawl a, tanute in a nute langpan uh a, mote in a teeknu uh langneih uh hi. Mi khat adingin ama innkuanpihte mah a gal a suak mawk hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paulʼ thugente a man lopi hi, ci-in Paul a gen sia uh hi.

Sawltak 13:50

Ahi zongin Jew mite in tua khua sung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a tai khiasak uh hi.

Sawltak 14:2

Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

Sawltak 14:5

Gentail mi le Jew mite in a uliante uh tawh kopin sawltakte bawlsia-in suang tawh den ding a vaihawm uh hi.

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul deng gawp uh a, si khin hi, ci-in ngaihsun uh ahih manin khua nawl ah a kai khia uh hi.

1 THESALONIKA MASA 2:14

Tua ahih manin sanggamte aw, Judea gam sunga om, Khris Jesu thu a um, Pasianʼ mi ahi mite in a thuak bangin note in zong a thuak na hi uh hi. Amaute in Jew miteʼ bawlsiatna a thuak uh mah bangin note in zong noteʼ gam mite mahʼ bawlsiatna na thuak uh hi.