Sawltak 13:9 - Tedim Bible Revision 2017

⁹ Tua ciangin Saul (Paul zong a kici pa) Kha Siangtho tawh kidimin tua mipa limtakin en a,

Tedim Bible

⁹ Ahih hangin Paul kici Saul in Kha Siangtho tawh dimin tua pa lim takin enin,

Sawltak 13:9 Referans Kwoze

Micah 3:8

Ahi zongin kei ka hih leh, Israel mite tungah a mawhna uh a gen khia dingin Topaʼ kha le a vang tawh ka kidim a, thutang gen ngam nading lungsim ka nei hi.

Sawltak 4:8

Tua ciangin Kha Siangtho tawh kidimin Peter in dawng a, “Makaite le upate aw,

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Sawltak 7:55

Ahi zongin Stefen ahihleh Kha Siangtho tawh kidimin vantung lam en to a, Pasianʼ minthanna vang le Pasianʼ tak lamah Jesu a ding mu ahih manin,

Marka 3:5

Jesu in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Sawltak 4:31

Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.

Luka 20:17

Tua ciangin Jesu in amaute enin, “‘Innlamte in a nilkhiat suang pen innkiu suang bulpi suak khinta hi,’ ci-in Lai Siangtho in a gen pen bang a cihnopna ahi hiam?

Mattiu 10:20

Thu na gen uh ciangin noteʼ gen hi loin, na Pa uhʼ Kha Siangtho in note tungtawnin thu a gen ding ahi hi.

Marka 8:25

Tua ciangin a khut tawh a mit lawnsak leuleu hi. Hih hun ciangin a mipa nakpi takin hak ahih manin khua mu theikik a, na khempeuh a kitel takin a mu thei hi.