Sawltak 13:51 - Tedim Bible Revision 2017

⁵¹ Sawltakte in zong a khe uh a leivui baangte sinkhiat sanin Ikonium khua ah a pai uh hi.

Tedim Bible

⁵¹ Ahih hangin amaute in a khepeek tungah leivui amau langkhatah sin’ khiatin, Ikonium khua-ah a pai uh hi.

Sawltak 13:51 Referans Kwoze

Mattiu 10:14

Inn khat peuhpeuh in ahi a, khua khat peuhpeuh in ahi zongin note hong tunsak nop kei a, na thugen uh hong ngaih nop kei leh tua lai panin paikhia unla, na khe uh a leivui baangte sinkhiat un.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Luka 9:5

A inn uh ah a hong tunsak nop lohna khua peuhpeuh panin na paikhiat uh ciangin amaute hilhkholhna in na khe uh a leivui baangte sinsan un,” ci-in a vaikhak hi.

Sawltak 14:21

Paul le Barnabas in Derbe khua ah Lungdamna Thu hilh uh a, mi tampi in Pasian a um uh hi. Tua lai panin kilehkikin Lystra khua, Ikonium khua le Pisidia gam a om Antiok khua ah a pai uh hi.

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul deng gawp uh a, si khin hi, ci-in ngaihsun uh ahih manin khua nawl ah a kai khia uh hi.

Sawltak 14:1

Ikonium khua a tun uh ciangin Paul le Barnabas zong Jew mite kikhopna inn ah pai uh a, amauteʼ thuhilhna hangin Jew mi le Gentail mi tampi tak in Pasian thu um uh hi.

Marka 6:11

Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Sawltak 16:2

Lystra khua le Ikonium khua-a om thu um mite in Timoti pen a zahtak mahmah uh mi khat ahi hi.

2 TIMOTI NIHNA 3:11

bawlsiatna ka thuakna, gimna ka thuakna le Antiok, Ikonium le Lystra khuate ah kei tunga thupiang, nasia takin bawlsiatna ka thuaknate na theih na phawk sa ahi hi. Ahi zongin Topa in hih haksatnate khempeuh panin kei hong suaktasak hi.

Luka 10:11

‘Na khua sung uh a leivui, ka khe tung uh ah a hong baangte nangawn, note hilhkholhna in ka nul khia uh hi. Ahi zongin Pasianʼ Uk nading hun a hong naina thu thei ta un,’ ci-in gen un.