Sawltak 13:43 - Tedim Bible Revision 2017

⁴³ Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasianʼ hehpihna suangin kip takin a om nadingun a gen uh hi.

Tedim Bible

⁴³ Kikhopna a bei khit ciangin Judah mi leh Judah ngeina sungah a tum Pasian zahtak mi tampite in Paul leh Barnbas nung a zui uh a, Pasian’ hehpihna thupha sungah a kip nadingun amaute in thu hilhin, a hansuah uh hi.

Sawltak 13:43 Referans Kwoze

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

2 JOHAN NIHNA 1:9

Khrisʼ thuhilhna zui loin a khengvalin a pai mite pen Pasian tawh a kipawl lo ahi hi. Ahi zongin a thuhilhna a zuite pen Pa Pasian le a Tapa tawh a kipawl ahi uh hi.

Hebru 13:9

Thuhilhna lamdang a tuamtuamte zui-in lam man panin pial kha kei un. A zui mite tungah bangmah phattuamna a piangsak thei lo an nek tui dawn tawh kisai ngeina zuihna in thahatna hong pia thei lo a, Pasianʼ hehpihna bek in i lungsim hong thahatsak thei hi.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Kolose 1:28

Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

Kolose 1:23

Ahi zongin note in lungdamna thu na zak cil lai-un na neih uh lametna panin liing het loin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuh ah a kihilh lungdamna thu mah ahi hi.

Filippi 4:1

Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

Filippi 3:16

Bangbang hitale hang, i tunna ciangciang panin mainawt ciat ni.

Efesa 2:8

Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

Galati 5:1

Khris in eite hong khahkhiat khitna hangin mi suaktate hi khinta ihih manin tua suahtakna thu ah kipin om unla, sila va suakkik nawn kei un.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

2 KORIN NIHNA 5:11

Pasian zahtak nading thu ka lungsim uh ah om tawntung ahih manin mite ka zol zawh nadingun ka hanciam uh hi. Pasian in koteʼ lungsim teltakin hong thei a, note in zong na lungsim uh ah kei hong thei dingin ka hong um hi.

ROM (Romans) 11:6

A teelna ah miteʼ nasepna bulphuhin a teel hi loin ama dikna hangin a teel hizaw hi. Pasian in mihingteʼ nasepna bulphuhin a teel hileh Pasianʼ dikna pen dikna kici thei lo ding hi.

ROM (Romans) 5:21

Tua ahih manin mawhna thahatin hong sihsak mah bangin, i Topa Jesu Khris hangin Pasianʼ hehpihna thahat zaw lai a, mihoihin hong sangin nuntak tawntungna sung a hong tunpih hi.

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

ROM (Romans) 3:24

Ahi zongin Pasian in a hong hehpihna hangin Khris Jesu tawh hong tatkhiat manin amah tawh i kipawl theikik hi.

Sawltak 17:34

Mi pawl khat in thu umin Paul pawlpih uh a, tuate lakah Areopagas mualbo a thu vaihawm pawl sungah a kihel Dionisias le Damaris a kici numei khat le mi pawl khat ahi uh hi.

Sawltak 17:4

Mi pawl khat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le ulianteʼ zi tampi mah in zong a pawlpih uh hi.

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paulʼ thugente a sang thei dingin Pasian in a lungsim a honsak hi.

Sawltak 14:3

Tua lai ah sawltakte sau veipi tam uh a, Topa Jesu thu hang takin a hilh uh hi. Ama dikna thu a hilhnate uh man hi, ci-in a lah nadingin Topa in amaute tungah lim le nalamdang bawl theih nading vangliatna a pia hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasianʼ muhna ah paubaanna om het loin amah tawh nuam takin na om khawm theih nadingun hanciam un.

1 PETER MASA 5:12

Thu upna sungah mi citakin ka ngaihsut Silasʼ huhna tawh hih lai tomno gelhin amah ka hong puasak hi. Hih thute pen Pasianʼ hong hehpihna taktak hi, ci-in teci pangin note ka hong hanthawn hi. Tua ahih manin hih thute ah kipin om un.

Galati 5:4

Thukham zuihna hangin Pasian tawh kipawl theih nading a hanciamte pen Khris tawh a kikhen na hi uh a, Pasianʼ hehpihna in note hong huam thei lo hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

Sawltak 17:17

Tua ahih manin Pasian a bia Jew mite le Gentail mite tawh kikhopna inn sungah thu kikupna nei uh a, mihon kikhopna munah hong pai mi khempeuh tawh zong nisimin a kikum uh hi.

Sawltak 13:50

Ahi zongin Jew mite in tua khua sung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a tai khiasak uh hi.

Sawltak 6:5

A vekpi-un sawltakteʼ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas le Antiok khua pan Gentail mi ahi Jew biakna a zui Nikolas a teel uh hi.

Sawltak 2:10

Frigia gam, Pamfilia gam, Egypt gam le Sairin khuapi gei-a om Libya gamte pan ihi a, pawl khatte Rom gam pan ihi hi.

Mattiu 23:15

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in mi khat bek nangawn na ngah zawh nading uh na hanciamna un leitung tuitung lumletin khual na zin uh a, na ngahsunte uh zong note zah nihin a siahuai, hell khuk tung ding mi na suah uh hi.

1 JOHAN MASA 2:28

Ka itte aw, Khris hong kilatkik ciangin lungmuang takin i om theih nading le ama hong pai Ni ciangin i bukbuk loh nadingin amah tawh kip takin kipawl ni.

Titu 2:11

Bang hang hiam cih leh mi khempeuh in hotkhiatna a ngah theih nadingun Pasian in ama hehpihna hong lak khinzo hi.

Sawltak 18:7

Tua ahih ciangin Paul in tua Jew mite nusia-in Pasian a bia Gentail mi Titus Justasʼ inn ah a tung hi. Tua mipaʼ inn pen kikhopna inn gei mahmah ahi hi.