Sawltak 13:25 - Tedim Bible Revision 2017

²⁵ Johan in ama nasep a zawh kuan ciangin mite kiangah, ‘Kei kua hi hong ci na hi uh hiam? Kei pen noteʼ ngak pa ka hi kei hi. En un, kei nungah na ngak pa uh hong pai a, ama khedap khau a sutsak ding nangawnin ka kilawm zo nai kei hi,’ ci hi.

Tedim Bible

²⁵ Tua Johan in a nasepna a zawh lai takin, ‘Kei in kua mi ka hi hong um na hi uh hiam? Amah ka hi kei hi. Ahih hangin ka nungah hong pai mi khat a om lai hi. Ama khedap sut ding ka kilawm kei hi,’ a ci hi.

Sawltak 13:25 Referans Kwoze

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Marka 1:7

Amah in mite tungah thu hilh a, “Ka nungah hong pai ding pa pen kei sangin nakpi takin lian zaw a, kunin a khedap khau a sutsak ding nangawnin ka kilawm zo kei hi.

Sawltak 20:24

Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

Mangmuhna 11:7

Amaute in Pasianʼ thu genin a teci panna a zawh khit uh ciangin kuahawm thukpi sung panin a hong paikhia ganhing in tua teci pangte simin zo gawpin that dinga,

2 TIMOTI NIHNA 4:7

Kidemna ah ka hat tawpin ka hih khin a, a mong dongin ka tai khin a, upna thu kho takin lenin ka zo khin hi.

2 KORIN NIHNA 4:5

Bang hang hiam cih leh koteʼ hilh thu pen komauʼ thu hi lo a, Khris Jesu pen Topa ahi hi, ci-in a hilh ka hi uh a, kote pen Khris hangin nomauʼ na a semte ka hi uh hi.

Sawltak 19:4

Tua ciangin Paul in, “Johanʼ hilh tuiphumna pen mawhna a kisik mite ading ahi hi. Amah in Israel mite kiangah, ‘Keima nung a hong pai ding pa Jesu um un,’ ci-in gen hi,” a ci hi.

Sawltak 13:36

David in ama hun lai-in Pasianʼ deihna bangin na sem a, a sih ciangin a pu a pate gei mahah kisialin muatna a thuak hi.

Johan 7:18

Amauʼ thu bek tawh thu a gente in amauʼ minthan nading a zong hi a, ahi zongin a hong sawl paʼ minthan nading a zong keimah in thuman thutak gen ka hih manin zuau thu kihel lo hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 1:36

amaute gei ah Jesu hong pai a muh ciangin Johan in limtakin enin, “Hih lai ah Pasianʼ Tuuno hong pai hi,” a ci hi.

Johan 1:34

Tua ahih manin hih mipa pen Pasianʼ Tapa hi, ci-in thei ka hih manin teci ka pang hi,” a ci hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.