Sawltak 13:23 - Tedim Bible Revision 2017

²³ Pasian in ama ciam sa bangin Israel mite a hon khia dingin hih Davidʼ suan sung pan Jesu a bawl hi.

Tedim Bible

^23-24 Johan in amah a pai ma-in Israel mi khempeuh kiangah kisikkik nading baptaizna thu a hilhkholh lai takin tua David’ suante lakah Pasian in a ciamsa mah bangin Israelte ading Gumpa Zeisu a piangsak hi.

Sawltak 13:23 Referans Kwoze

Mattiu 1:1

Abrahamʼ suan David, Davidʼ suan Jesu Khrisʼ khang ciaptehna hih bang ahi hi.

Late 132:11

Topa in a pelh loh ding kiciamna taktak khat David tungah kiciam a, “Nangʼ sung pan a na tate khat na kumpi tokhom tungah ka koih ding hi.

Mangmuhna 22:16

“Keimah Jesu in pawlpite adingin hih thute nang kiangah a hong gen dingin ka vantungmi ka hong sawl hi. Kei pen Davidʼ zung le a suan ahi, zingsol ka hi hi,” a hong ci hi.

Juda 1:25

khat bek ahi eite a hong Hon Pasian in, tu ma, tu laitak le a tawntungin, minthanna, vangliatna, uk zawhna le aana nei tawntung tahen. Amen.

Sawltak 13:32

Kote pen note kiangah Lungdamna Thu a puak dingin hih lai ah a hong om ka hi uh hi. Tua thu in: Pasian in i pu i pate tungah a ciam thu pen Jesu a hinkiksakna tawh, Israelʼ suan ahi eite le midang khempeuh adingin tu-in a hong tungsak ahi hi. Late a lian nihna sungah, ‘Nang pen ka Tapa na hi a, tu ni-in nangma Pa ka suak hi,’ a cihna thu hong tungsak hi.

ROM (Romans) 1:3

Tua thu pen eiteʼ Topa Jesu Khris ahi ama Tapaʼ thu ahi hi. Tua Tapa pen leitung si le sa lam panin Davidʼ suan hi a,

2 SAMUEL NIHNA 7:12

Na pu na pateʼ kiang na zuat ni ciangin, nangma sung panin hong suak khia ding na tapa nangma nungah ka khangsak dinga, keimah in ama kumpi gam ka kipsak ding hi.

1 JOHAN MASA 4:14

Pa Pasian in leitung mite a hon khia dingin a Tapa a hong paisakna thu kote in thei-in midang kiangah gen belin ka nei uh hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

2 PETER NIHNA 3:2

Tanglai pek a kamsang siangthoteʼ thugen kholhte le note lakah sawltak na a semte in Topa le Honpaʼ thupiakte a hong gen sawn uh thute na phawkkik ding uh ka deih hi.

2 PETER NIHNA 2:20

I Topa le Honpa Jesu Khris theihna hangin leitung siatna sung panin suakta khin napi-un, leitung siatna ah awkkikin a lelte pen, a masa a pianzia uh sangin a nunung a pianzia uh siahuai zaw hi.

2 PETER NIHNA 1:11

Tua hileh eiteʼ Topa le Honpa Jesu Khris Uk tawntungna sungah nuam takin na lut thei ding uh hi.

2 PETER NIHNA 1:1

Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

Titu 1:4

Thu upna ah ka ta taktak ahi Titus tungah lai ka hong khak hi. Pa Pasian le eite hong Hon Khris Jesu in nangma tungah hehpihna le nopsakna thupha hong tungsak tahen.

ROM (Romans) 11:26

Tua hi a, Lai Siangtho sungah a kigelh mah bangin Israel mite khempeuh in hotkhiatna ngah ding uh hi. Lai Siangtho in, “Zion panin Honpa hong pai dinga, Jakobʼ suanlekhakte sunga om gitlohna khempeuh maisak ding hi.

Sawltak 3:26

Eite khempeuh i gitlohna panin kikheelin thupha a hong piak theih nadingin Pasian in a Nasem dingin Jesu teelin, eite kiangah a hong sawl masa ahi hi,” ci-in thu a gen hi.

Sawltak 2:30

David pen kamsang hi a, ama tunga Pasianʼ thuciam a thei hi. Ama suante khat, amah bang teek mahin kumpi-in a bawl nading Pasian in thu a ciam hi.

Johan 7:42

Khris i cih pen Davidʼ suan hi dinga, Davidʼ suahna Bethlehem khua ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Johan 4:42

Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Hon khia ding pa taktak hi, ci-in thei ka hih manun a um ka hi uh hi,” a ci uh hi.

Luka 1:69

A nasem pa Davidʼ suante sung panin eite adingin Vanglian Honpa hong pia hi.

Mattiu 22:42

“Note in Khris kua hi ci a, kuaʼ suan hi, ci-in ngaihsun na hi uh hiam?” ci-in a dong hi. Amaute in, “Davidʼ suan hi,” ci-in a dawng uh hi.

Mattiu 21:9

A mai-a pai mihonte le a nung a zui mihonte awng uh a, “Davidʼ suan Jesu in phatna ngah tahen! Topaʼ min tawh hong pai pa in thupha ngah tahen! A sangpen a om Pasian in phatna ngah tahen!” a ci uh hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Amos 9:11

Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Isaiah 45:21

Na thu uh sung unla, hong gen un. Na thu uh kikum khawm un! Hih thu sawtpekin kua in gen ahi hiam? Tanglai-in kua in pulak ahi hiam? Keimah Topa hi lo ka hi hiam? Thuman Pasian le Honpa ahi, kei sim loh pasian dang om lo a, kei sim loh kuamah dang om lo hi.

Isaiah 43:11

“Kei, keimah pen Topa ka hi a, kei sim loh honpa dang om lo hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Isaiah 11:1

Jessiʼ phung sung panin a sel khat hong khang khia dinga, a zungte panin a no khat hong khang ding hi.

Isaiah 7:13

Tua ciangin Isaiah in, “Davidʼ innkuan aw, ngai un! Mite na lunggim sakna uh kicing sa lo a, ka Pasian zong lunggimsak lai na hi uh hiam?

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

Jeremiah 30:9

Topa, amauʼ Pasianʼ na ahi a, amauteʼ kumpipa-in ka koih ding Davidʼ na ahi zongin a sem zaw ding uh hi.