Sawltak 13:19 - Tedim Bible Revision 2017

¹⁹ Pasian in Kanaan gam sungah minam sagih a suksiat khit ciangin kum za li le kum sawm nga sung bang ama mite a luahsak hi.

Tedim Bible

¹⁹ Kanaan gam sung mipawl sagih a suksiat khit ciangin tuate gam ama mite in a luah dingun kum zali leh sawmnga tawntung a hawmsak hi.

Sawltak 13:19 Referans Kwoze

Thu-hilhkikna 7:1

“Topa na Pasian un luah dinga na tumna uh leitang ah hong paipihin, noteʼ mai ah Hit mite, Girgash mite, Amor mite, Kanaan mite, Perez mite, Hiv mite le Jebus mite, note sangin lian zaw-in a thahat zaw minam sagihte noteʼ mai panin siang khiasakin,

Late 78:55

Amauʼ mai panin midangte hawl khia-in, amauteʼ luah ding neihsa hawmsak a, Israel minamte amauʼ buk sungah a tengsak hi.

Sawltak 7:45

Tua khit ciangin i pute in amauʼ pate tung panin a ngah uh tua puanbuk pen amauʼ ten nading gam a la dingin a kuan uh ciangin na pua uh a, Pasian in amauteʼ mai ah tua gam mite hawl khiatsak ahih manin tua gam a luah uh ciangin a puanbuk zong a na tunpih uh hi. Tua ahih manin Davidʼ hun ciang dong tua puanbuk na om hi.

Joshua 19:51

Hihte pen siampi Eleazar le Nun tapa Joshua le Israel minam beh lutangte in kikhopna buk kong, Topaʼ mai Shiloh ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.

Joshua 14:1

Hihte pen, siampi Eleazar, Nun tapa Joshua le Israel minam sung pan beh lutangte in amaute tungah a piak, Kanaan gam sungah Israel miteʼ ngah gamhte ahi hi.

Late 135:11

Amor kumpipa Sihon, Bashan kumpipa Og le Kanaan kumpite a that hi.

Nehemiah 9:24

A suan a khakte uh tua gamah lutin a lak uh ciangin, amauʼ mai ah tua gam a teeng Kanaan mite na nuaisiah a, a ut bangbangun a bawl dingun a kumpite le a mite amauʼ khut sungah na pia hi.

Joshua 24:11

Tua ahih ciangin Jordan gal khat ah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite le Jebus mite in zong note hong do uh a, ahi zongin noteʼ khut sungah amaute kong pia hi.

Joshua 23:4

En un, Jordan panin nitumna lam a Tuipi Lian dong, a om lai minamte pen ka zawh sa minamte tawh na minamte uh gamh dingin note tungah kong pia khin hi.

Joshua 18:10

Joshua in amaute adingin Topaʼ mai Shiloh ah ai sansak hi. Tua ciangin Joshua in amauʼ tanh ding ciat Israel-te tungah leitang a pia hi.

Piancilna 17:8

Nangma tung le nangʼ khit cianga na suanlekhakte tungah tawl khat na omna Kanaan leitang khempeuh na neih tawntung dingun kong pia dinga, kei pen amauteʼ Pasian ka hi ding hi,” a ci hi.

Piancilna 12:5

Abram in ama zi Sarai, a sanggampaʼ tapa Lot, amauʼ kaihkhop sa neihsa khempeuh le Haran a amauʼ neih sila khempeuh samin, Kanaan gamah a pai dingin amaute ding khia uh a, tua gam a tung uh hi.

Thukhente 11:26

Heshbon le a khuaneute, Aroer le a khuaneute le Arnon gun panga om khuapite khempeuh sungah Israel-te a ten kum za thum hunsung tengin bang hangin lakik lo na hi hiam?

1 KUMPI MASATE 6:1

Egypt gam panin Israel mite a paikhiat zawh kum za li le kum sawm giatna, Israel-te tungah Solomonʼ uk a kum lina, a kha nihna ahi Ziv kha-in amah in Topaʼ biakinn lam ding kipan hi.

Isaiah 34:17

Amah in amaute adingin leitang hawmsak dinga, amauʼ tanh ding ciat a pia ding hi. Amaute in tua gam nei tawntung ding uh a, khang khat pan khang khat dongin teeng paisuak ding uh hi.