Sawltak 13:14 - Tedim Bible Revision 2017

¹⁴ Ahi zongin Perga khua panin amaute paisuak uh a, Pisidia gam Antiok khua a tung uh hi. Sabbath ni-in kikhopna inn ah pai-in a tu uh hi.

Tedim Bible

¹⁴ Amaute in Perga gam a paisuak uh a, Pisidia gam sung Antiok khua-ah a tung uh a, Nipi ni-in kikhopna inn sungah tumin, a tu uh hi.

Sawltak 13:14 Referans Kwoze

Sawltak 16:13

A Sabbath ni ciangin Jew miteʼ thungetna mun om ding hi, ci-in ka upna uh khua pualam a gun gei ah ka pai uh a, tua lai ah tu-in a kikhawm numeite tungah thu ka hilh uh hi.

Sawltak 17:2

A pai ngei zel mah bangin Paul zong kikhopna inn ah pai a, Sabbath ni thum sung Lai Siangtho siksanin mite tawh thu kikum a,

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul deng gawp uh a, si khin hi, ci-in ngaihsun uh ahih manin khua nawl ah a kai khia uh hi.

Sawltak 13:5

Saipras tuikulh a om Salamis khua a tun uh ciangin Jew miteʼ kikhopna innte ah Pasian thu a hilh uh hi. Tua a nasepna uh ah a huh dingin Johan Marka zong amaute tawh a om khawm hi.

Sawltak 18:4

Sabbath nisimin kikhopna inn ah limtakin thu gen a, Jew mi le Grik mite in thu a up nadingun a hanciam hi.

Sawltak 19:8

Tua ciangin Paul in kikhopna inn sungah hang takin kha thum sung thu hilh a, mite in Pasianʼ Ukna thu a up zawh nadingun nakpi takin a gen hi.

Sawltak 13:44

A Sabbath ni kik ciangin Pasianʼ thu a ngai dingin a khuazang phialun hong kikhawm uh hi.

Sawltak 13:42

Kikhopna inn panin Paul le Barnabas a ciah ding uh ciangin, Sabbath ni kik ciangin hih thute mah hong gen lai un, ci-in mite in a vaikhak uh hi.

Sawltak 9:20

Kikhopna innte ah va pai-in, “Jesu pen Pasianʼ Tapa ahi hi,” ci-in thu hilh ding a kipan hi.

Luka 4:16

Tua ciangin ama khanna Nazareth khua ah Jesu pai a, Sabbath ni ciangin a pai ngei bangin kikhopna inn ah a pai hi. Lai Siangtho a sim dingin amah dinga,

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

2 TIMOTI NIHNA 3:11

bawlsiatna ka thuakna, gimna ka thuakna le Antiok, Ikonium le Lystra khuate ah kei tunga thupiang, nasia takin bawlsiatna ka thuaknate na theih na phawk sa ahi hi. Ahi zongin Topa in hih haksatnate khempeuh panin kei hong suaktasak hi.