Sawltak 13:12 - Tedim Bible Revision 2017

¹² Gam ukpa in hih thupiang a muh ciang le Topa thu a kigente a zak ciangin lamdang sa mahmah in Pasian a um hi.

Tedim Bible

¹² Tua thu a muh ciangin mangpa in Pasian’ thu lamdangsa-in a um hi.

Sawltak 13:12 Referans Kwoze

Sawltak 13:7

Tua mipa pen tua tuikulh a uk sawn, a pil mahmah Sergius Paulus tawh a kithei mahmah mi khat ahi hi. Tua gam ukpa in Pasianʼ thu za nuam ahih manin Barnabas le Saul a sam hi.

Luka 4:22

Amaute khempeuh in Jesu thupi sa mahmah uh a, thugen siam sa mahmah uh ahih manin, “Hih pa, Josefʼ tapa hi lel hi lo ahi hiam?” a ci uh hi.

Sawltak 28:7

Tua lai panin a gamla lo mun khat ah tua tuikulh hausa pa Publiasʼ lo a om hi. Amah in limtakin kote zin hong do a, ni thum sung ama zinin ka om uh hi.

Sawltak 19:7

Tua mite sawm le nih a pha uh hi.

Sawltak 13:49

Tua gam kiim khempeuh ah Topaʼ thu kizel hi.

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Johan 7:46

Palikte in, “Hih mipaʼ thugen bangin a gen kuamah om nai lo hi,” a cih uh ciangin

Luka 7:16

Amaute khempeuh in lamdang sa mahmah uh a, Pasian min phatin, “Eite lakah kamsang lian khat hong om khinta a, a mite a hon khia dingin Pasian hong pai khinta hi,” a ci uh hi.

Mattiu 27:54

Jesu enin a om galkap bupa le galkapte in zinlinna le a thupiangte a muh uh ciangin lamdang sa mahmah uh a, “Hih pa, Pasianʼ Tapa taktak mah ahi hi,” a ci uh hi.

Sawltak 8:25

Amaute in Jesu Khris thu a theihte uh genin Topaʼ thugente a hilh khit uh ciangin Jerusalem khua ah a ciahkik uh hi. A ciahkik kawmun Samaria khua neu lampite ah Lungdamna Thu a hilh uh hi.

Sawltak 13:8

Ahi zongin tua mitphial siampa Elymas (a Grik min) in Barnabas le Saul na nial a, gam ukpa in Pasianʼ thu a up theih loh nadingin a na hanciam hi.

Sawltak 13:48

Gentail mite in hih thu a zak uh ciangin lungdam mahmah uh a, Pasianʼ thu hoih mahmah hi, ci-in a phat uh hi. Nuntak tawntungna a ngah dingin Pasian in a teel sa mite in Pasianʼ thu hong um uh hi.

Sawltak 15:36

Tawl khat khit ciangin Paul in Barnabas kiangah, “Topaʼ thu i hilhna sa khua tuamtuam a i sanggamte kiangah va hawhkikin bang a cici uh hiam cih va en ni,” a ci hi.

Sawltak 18:12

Rom khutnuai ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Sawltak 19:10

Hih bangin kum nih sung tawntung thu gen niloh ahih manin Asia gam sunga om Jew mi le Gentail mi khempeuh in Topaʼ thu a za uh hi.

Sawltak 19:20

Tu-a bang danin Topa thu nakpi takin hong khangin hong kizel semsem hi.

Sawltak 19:38

Tua ahih ciangin Demetrias le a pawlte in mi khatpeuh tungah lungkim lohna nei uh ahihleh thu sit ni ding hun om a, thukhen uliante zong om uh ahih manin tuate mai ah thu kineih ta uh hen.