Sawltak 13:11 - Tedim Bible Revision 2017

¹¹ Tu-in Topa in nang hong su dinga, na mit taw-in tawl khat sung khua na mu kei ding hi,” a cih khit phetin, meii vom in Elymasʼ mit tuamcip a, a khut lenin amah a paipih ding mi a zawt kawikawi hi.

Tedim Bible

¹¹ Tu-in na tungah Pasian’ khut om ding a, ni mu loin tawlkhat na mit taw ding hi,” a cih ciangin thakhatin meii leh khuamial in a tungah tung a, a khut kilenin a paipih dingin mi kawi zon’in a om hi.

Sawltak 13:11 Referans Kwoze

Late 32:4

Sun le zan tawntung gim nong piakna ka thuak a, khuakhal nisaʼ kat bangin ka thahatna a keucip hi.

Paikhiatna 9:3

lo sunga om ganhing, sakolte, late, kalaohte, bawnghonte le tuuhonte tungah a nasia mahmah gimna ka tungsak ding hi.

Hebru 10:31

A nungta Pasianʼ khut sungah thumang loin i tun khak ding a lauhuai mahmah ahi hi.

1 SAMUEL MASA 5:11

Tua ahih ciangin amaute in mi sawlin Filistia uliante khempeuh khawmin, “Kote le ka mite uh hong thah loh nadingin Israel-teʼ Pasianʼ Thuciamna Singkuang pua khia unla, ama omna munah ciahkiksak un,” a ci uh hi. Bang hang hiam cih leh a khuapi sung khempeuh ah si dektak a apkhapna om hi. Pasian in tua lai ah amaute nak gawt mahmah hi.

2 PETER NIHNA 2:17

Hih bang mite pen a kangcip khin sa ciktui, huih in a mutkhiat meiipi tawh kibang uh a, Pasian in amauteʼ om nadingin khuamial sahpi omna mun a koih kholhsak hi.

Johan 9:39

Tua ciangin Jesu in, “Mittawte in khua a muh theih nading le khua mu thei a kineite mittaw a bat theih nadingin leitungah thukhen dingin a hong pai ka hi hi,” a ci hi.

JOB (Job) 19:21

Hong hehpih un! Hong hehpih un! Keima lawmte hi lo na hi uh hiam? Pasian in kei hong sat pai ta hi.

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai ding zah in Pasian a zuat hun ciang dong ding bek ahi hi.

Sawltak 9:17

Tua ahih manin Ananias zong pai a, inn sungah a lut khit ciangin Saul lu tungah a khut nga a, “Sanggam Saul aw, hih lai ah nong pai lai-in nangma tungah a hong kilang Jesu mahmah in kei hong sawl hi. Nangmah in khua mu theikikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

Isaiah 29:10

Bang hang hiam cih leh Topa in noteʼ sungah ihmut nopna lungsim hong guan a, amauʼ mit ahi kamsangte mit si sakin amauʼ lutang ahi thu mu theite khuhcip hi.

Late 38:2

Bang hang hiam cih leh nangma thaltangte ka sungah hong tum khin a, ka tungah na khuttum hong tu khinta hi.

2 KUMPI NIHNATE 6:8

Khat vei Syria kumpipa le Israel mite kido a, Syria kumpipa le a nasemte thu kikumin, “Tua mun tua munte i panmun ding hi,” a ci hi.

1 SAMUEL MASA 5:9

Ahih hangin amaute in tua Gath khua ah a tunpih khit uh ciangin Topa in tua khuapi langpanin apkhapna lianpi piangsak a, amah in khuapi mite a moi a hamin gimsakin amaute in uilut vei uh hi.

Piancilna 19:11

Amaute in inn kongkhak ah a om mi a lian a neute a mit uh tawsak uh hi. Tua ahih ciangin kongkhak a zawtzawt hangun mu zo lo uh hi.