Sawltak 13:10 - Tedim Bible Revision 2017

¹⁰ “Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topaʼ thuman pen zuau suahsak ding na hanciam tawntung hi.

Tedim Bible

¹⁰ “Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Sawltak 13:10 Referans Kwoze

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Galati 1:7

A taktakin ci lehang lungdamna thu a dang a om hi lo a, mi pawl khatte in noteʼ lungsim hong toknawi-in, Khris hanga lungdamna thu hei-in thudang tawh laih nuam uh ahih manin, tua amauʼ deih thu pen lungdamna thu a cihsak mawkmawk ka hi hi.

2 KORIN NIHNA 11:3

Ahi zongin gulpi in ama zuau ngian tawh Eve a khem zawh bangin na lungsim uh kihei-in Khris tungah na kipiaknate uh na nusiat khak ding uh ka lunghimawh hi.

Mattiu 13:38

Lo lai pen leitung hi a, taang ci hoih i cih pen Pasianʼ ukna sungah a om mite ahi uh hi. Tahumte pen Gilopa tawh a kipawl mite hi a,

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

Luka 11:52

No Thukham hilh siate in gimna na thuak ding uh hi. Note in pilna ngah theih nading konghonna tawhtang nei napi-in a sungah note na lut tuan kei uh a, a tum dingin a paite zong lah na khaktan uh hi,” a ci hi.

2 PETER NIHNA 2:15

Thuman lampi nusia-in gammang uh a, a man loin gamtatna tawh sum a ngah nuam Beorʼ tapa Balaamʼ gamtat bangin gamta uh hi.

Sawltak 20:30

Note sung mahmah panin zong mi pawl khat in thu um mite khemin a zol khiat hun hong tung ding hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasianʼ hehna panin na suahtak theih nading uh kua in hong hilh khol ahi hiam?

Johan 1:23

Johan in, “Kamsang Isaiah in a na gen mah bangin, ‘Topaʼ tot ding lampi na tangsak un,’ ci-in gam sungah a kiko pa ka hi hi,” ci-in a dawng hi.

Luka 11:39

Tua ciangin Topa in ama kiangah, “No Farisi mite in hai leh kuangte a pualam na siangsak uh a, ahi zongin note na lungsim sung uh ah huaihamin na gi kei uh hi.

Jeremiah 23:36

‘Topaʼ thugen pen van gik khat ahi hi,’ ci-in na gen nawn kei ding uh hi. Bang hang hiam cih leh noteʼ thugente, noteʼ van gik ahi zaw hi. Note in eiteʼ Pasian ahi a nungta Pasian, Vanglian Topaʼ thugennate na lumlet gawp uh hi.

Thuhilh-sia 9:3

Mi khempeuhʼ thumong kibang kim a, hih pen leitung a thupiang lakah a man het lo khat ahi hi. Mihingte a nuntak lai teng gitlohna le a mawkna thu tawh a lungsim uh kidim a, theih kholh lohin mihingte sipak uh hi.

2 KHANG TANGTHU NIHNATE 17:6

Topaʼ na a sepna ah hang mahmah a, Judah gam sung panin mual dawna biakpiaknate le Asherah milimte a la khia hi.

Piancilna 18:19

Im kei ning. Bang hang hiam cih leh Topa in Abrahamʼ tunga a ciam sa thu a tunsak theih nadingin ama khit a a tate le a innkuanpihte in thuman le thutangin nasepna tawh Topaʼ thupiakte a zuih theih nadingun a hilh dingin amah ka teel khin hi,” a ci hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Efesa 4:14

Tua hun ciangin thu upna lamah naupang ihi nawn kei dinga, mite khemin a khialsak theiteʼ mutna hangin i suk hoi i to hoi nawn kei dinga,