Sawltak 12:7 - Tedim Bible Revision 2017

⁷ Thakhatthu-in Peter gei ah Topaʼ vantungmi khat hong omin thong sung khempeuh khua a vak hi. Vantungmi in Peterʼ liangko lokin phong a, “Manlangin tho in,” a ci hi. Thakhatin Peterʼ khut panin a sikkhaute kitol khia hi.

Tedim Bible

⁷ Pasian’ vantungmi khat in ama kiangah ding a, thong inn sungah khuavak a tang hi. Vantungmi in Piter’ pang beeng a, phongin, “Tho mengmeng in,” a cih ciangin sikkhaute a khut tung pan a kitolkhia hi.

Sawltak 12:7 Referans Kwoze

Sawltak 5:19

Ahi zongin tua zanin Topaʼ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Sawltak 16:26

Thakhatin nakpi takin zin hong liing a, thonginn a bulpi dongin a lok gawp hi. Thakhatthu-in thong kongkhak khempeuh kihong a, thongkiate a kikhihna sikkhau khempeuh a kiphel khia hi.

Late 146:7

A kinengniam mite adingin thumanna sem khia a, gilkialte an a vak hi. Topa in thongkiate a khah khia hi.

Late 107:14

Amah in khuamial sung le a zing sung panin amaute la khia a, amau a kihennate a bot sat hi.

Late 34:7

Amah a zahtakteʼ kiimah Topaʼ vantungmi in giahphual sat a, amaute a hon khia hi.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khris in nang hong taan ding hi,” kici hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Luka 24:4

Amaute in lamdang sa-in a om laitakun amaute gei ah puan pak a silh mi nih hong ding vat uh hi.

Luka 2:9

Amaute kiangah Topaʼ vantungmi khat hong kilang a, Topaʼ minthanna vang in amaute hong taan ahih manin a lau mahmah uh hi.

Micah 7:9

Topa tungah khial khin ka hih manin ama hehna tawl khat ka thuak ding hi. Ahi zongin a tawpna ah kei hong huh dinga, a man lopi-in a hong kibawlna teng hong bawl phatsakin, amah in hong hon khia ding hi.

Daniel 6:22

Pasian in a vantungmi hong sawl a, ka liam loh nadingin humpi-nelkaiteʼ kam a humcipsak hi. Kumpipa aw, mawhna ka bawl loh lam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.

1 KUMPI MASATE 19:7

Tua ciangin Topaʼ vantungmi a nih veina hong paikikin amah lawng a, “Tho inla an ne in; tua hikeileh nang adingin khualzinna haksa lua ding hi,” a ci hi.

Sawltak 12:23

Herod in mite, Pasian phatsak loin amah phatsak ahih manin thakhatin Topaʼ vantungmi in Herod cinasak a, a hut in amah netumin a si hi.

Sawltak 9:3

Damaskas khua a zuan dingin pai a, a tun dektak ciangin thakhat thu-in van panin ama kimkot ah a hong taangzaih khat a om hi.

Habakkuk 3:4

Khuaphialep taang bangin amah hong pai a, a khut sung panin khuavak taang khia a, tua pen a vangliatna a koihna mun ahi hi.

Ezekiel 43:2

nisuahna lam panin Israel-teʼ Pasianʼ minthanna vang hong pai ka mu hi. Pasianʼ awging pen tuipi ging tawh kibang a, ama minthanna vang in leitung taangsak lela hi.

Isaiah 60:1

Jerusalem khuapi aw, tho-in sun nitaang bang in! Topa’ minthanna in nangmah hong taan zo hi.

Late 116:16

Topa aw, kei pen nangma nasem ka hi hi. Nangma nasem ka hi a, na nasem nuʼ ta ka hi hi. Keimah hong kikhihnate nong sutkhiatsak zo hi.

1 KUMPI MASATE 19:5

Tua ciangin poding kung khat nuai ah amah lum sukin a ihmu hi. Tua laitakin vantungmi khat in amah lawngin ama kiangah, “Tho inla an ne in,” a ci hi.

Mangmuhna 18:1

Tua khit ciangin vantung panin vantung midang khat a hong pai suk ka mu hi. Amah in aana a lian mahmah nei a, ama vang in leitung buppi a taan hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Sawltak 12:6

Herod in Peter thu sit dingin a lakkhiat ding ma a zan sungin, Peter a khut nih tuakin sikkhau kikhihin alang tuakah galkapte in lenin tua galkap nih kikalah kilumsak a, tua banah thongcingte in a kongah cing lai uh hi.

Habakkuk 3:11

Na thaltang leeng a muh ciang, na teipi tee zalzal a muh ciangin, ni le kha a omna sanah a khawlcip uh hi.

Isaiah 37:30

“Nang Hezekiah adingin hih in lim hong hi ding hi: Tu kumin an li pote na ne ding uh a, a kum nihna ciangin tua bangmahin a pote na ne leuleu ding uh hi. A kum thumna ciangin khai tuhin an na la ding uh a, leenggui suanin a gah na ne ding uh hi.

2 SAMUEL NIHNA 22:29

Topa aw, nang pen keima meivak na hi hi. Ka Pasian in ka khuamial vaksak hi.

Late 68:6

Pasian in a cimawhte a ten nading inn le lo guan a, thong kia mite nopsakna munah a tunpih hi. Ahih hangin mi lehdote ahihleh keugaw gamah teeng uh hi.

Jeremiah 40:1

Kol kibulhin Jerusalem khua le Judah gam a saltangte khempeuh tawh Babylon khua ah hong kipuak khit ciangin Ramah khua panin kumpi cing galkap maang Nebuzaradan in hong khah khiakik hi. Tua khit ciangin Topa in kei a hong hopih hi.

Daniel 3:28

Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Mattiu 2:13

Tua mipilte a ciah khit uh ciangin Josefʼ mang sungah Topaʼ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.

Sawltak 12:8

Tua ciangin vantungmi in, “Na kawng hoihtakin gakin na khedap bulh in,” ci-in a gen bangin Peter zong a gamta hi. Tua ciangin vantungmi in, “Na puan silh inla hong zui in,” a cih mah bangin,