Sawltak 12:6 - Tedim Bible Revision 2017

⁶ Herod in Peter thu sit dingin a lakkhiat ding ma a zan sungin, Peter a khut nih tuakin sikkhau kikhihin alang tuakah galkapte in lenin tua galkap nih kikalah kilumsak a, tua banah thongcingte in a kongah cing lai uh hi.

Tedim Bible

⁶ Herod kumpipa in a lakkhiat hun dek tak ni zanin Piter sikkhau nih tawh kihen a, galkap nih kikalah ihmu a, thong kong mai-ah a cingte in a cing uh hi.

Sawltak 12:6 Referans Kwoze

Sawltak 21:33

Paul kiangah galkap mangpa hong pai-in man a, sikkhau nih tawh Paul a khih nadingun thu a pia hi. Tua ciangin, “Hih mipa kua hi a, bang gamta ahi hiam?” ci-in a dot ciangin,

Hebru 13:6

Tua ahih manin kimuanna lungsim tawh hang takin, “Topa, kei hong huhpa hi a, ka lau kei ding hi. Kua in bang hong cih zo ding ahi hiam?” ci ngam ni.

2 TIMOTI NIHNA 1:16

Onesiforas in tam veipi kei hong lungnuamsak ahih manin Pasian in a innkuan bupun hehpihna thupha pia tahen. Ka thongkiatna hangin amah maizum lo a,

Efesa 6:20

Pasianʼ thu genin taangmi ka sepna hang mahin sikkhau khihna thuakin thong kia ka hih manin ka hilh dingin a kilawm bangin hang takin ka gen ngam nadingin thu hong ngetsak ta un.

Sawltak 28:20

Israel mite in a lamet uh mipaʼ hangin sikkhau khihna thuakin thong kia mi ka suak hi. Hih thute khempeuh note kiangah hong gen nuam ka hih manin a hong samsak ka hi hi,” a ci hi.

Sawltak 5:23

“Thongah ka tun uh ciangin a kongkhakte limtak mahin tawh kikalh a, thongcingte in zong kongpi ah limtak mahin a na cing ka mu uh hi. Ahi zongin thong kong ka hon uh ciangin a sungah kuamah na om lo hi,” ci-in a zasak uh hi.

Mattiu 28:4

Han cingte in kihta lua uh ahih manin liingin a sibup uh hi.

Jeremiah 40:4

Tu-in en in, na khut a kibulh kolte tu ni-in kong sutkhiatsak a, kong khah khia ta hi. Babylon khua ah kei tawh pai ding hoih na sak leh hong pai in. Keimah in limtakin nang kong kem ding hi. Ahih hangin Babylon khua ah kei tawh pai ding hoih na sak kei leh hong pai kei in. Gam khempeuh na mai ah om a, na pai nopna peuhpeuh ah na pai thei hi,” a hong ci hi.

Late 4:8

Nuam takin lumin ka ihmu ta ding hi; bang hang hiam cih leh Topa aw, nangmah bek in lungmuanna munah na hong omsak hi.

Piancilna 22:14

Tua ahih ciangin Abraham in tua mun pen, “Topa in hong sik hi,” ci-in min phuak a, tu ni dongin Topaʼ mual tungah hong kisik hi, a kici hi.

Thu-hilhkikna 32:26

Keimah in, “Amaute gamlapi ah ka thehthang dinga, mite lakah amaute a kiphawkna ka beisak ding hi,” ka ci thei ding hi.

Jeremiah 40:1

Kol kibulhin Jerusalem khua le Judah gam a saltangte khempeuh tawh Babylon khua ah hong kipuak khit ciangin Ramah khua panin kumpi cing galkap maang Nebuzaradan in hong khah khiakik hi. Tua khit ciangin Topa in kei a hong hopih hi.

Sawltak 12:5

Tua ahih manin thong sungah Peter kikhum a, ahi zongin pawlpi mite in lungsim takpi tawh ama adingin Pasian kiangah thu a ngetsak uh hi.