Sawltak 12:21 - Tedim Bible Revision 2017

²¹ Kumpipa in a thugen hun ding a ciam kholh ni a tun ciangin a kumpi puan silhin a kumpi tokhom tungah tu a, mite tungah thu a gen hi.

Tedim Bible

²¹ A kiciam kholh ni-in Herod in kumpipuan silhin tokhom tungah tu a, amaute kiangah thu a gen hi.

Sawltak 12:21 Referans Kwoze

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tu zan ka mang sungin ama hangin nakpi takin gimna thuak ka hih manin, mawhna nei lo tua mipa bangmah cih kha kei in,” a ci hi.

Sawltak 12:20

Taia khua mite le Sidon khua mite tungah Herod heh mahmah ahih manin Herod tawh a kimu dingin hih khua nih mite hong pai khawm uh hi. A masa-in kumpi inn sunga ulian nasem ahi Blastus a pawlmat phot uh hi. Hih khua nihteʼ an nek tui dawn pen hih kumpipaʼ gam panin a ngah uh ahih manin Blastus makai sakin Herod kiangah va pai-in kilem nading thu a va gen uh hi.

Sawltak 12:22

Mite in a thugen a zak uh ciangin, “Hih thugen pen mihing hi loin pasian ahi hi,” ci-in a awng uh hi.

1 KUMPI MASATE 22:10

Samaria kulhpi lutna ancilna ah Israel kumpipa le Judah kumpipa Jehoshafat a kumpi tokhom tung uh ah tu-in kumpi puan tawh kizemin om uh a, kamsang khempeuh in amauʼ mai ah thu gen uh hi.

JOB (Job) 15:21

Launa ding awging a bilah za ngitnget dinga, lungmuangin a om laitakin gutate in buluh ding hi.

Paunak 18:12

A kiniamkhiatte in zahtakna ngah uh a, a kihisakte pen siat ding a manawh hi ta hi.

Isaiah 5:14

Tua ahih ciangin Leinuai in a duhna khangsakin bangmah tawh a kiteh thei lo zahin a kam ka beba a, Jerusalemʼ hoihna teng, a mipite, a mihonte, ama sunga a lungdam mite, a nawmvalh hi.

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtat siate ahihleh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

Sawltak 24:1

Tua khit ni nga ciangin siampi lianpen pa Ananias le upate, amauʼ thu a gensak ding Tertullas a kici mipa tawh Jerusalem khua panin Sisaria khua ah hong tung uh a, menzipa Feliks kiangah pai-in Paul a mawhsakna uh thute a va gen uh hi.

Sawltak 25:23

Tua ahih manin a zing ciangin a thupi takin lian bawl mahmahna tawh Agrippa le Bernis hong pai uh a, galkap maangte le khua sung uliante tawh kikhopna inn lianpi sungah a hong lut uh hi. Tua ciangin Festas in Paul hong kitumpih nadingin thu a pia hi.