Sawltak 12:12 - Tedim Bible Revision 2017

¹² Hih thu a phawk khit ciangin Johan Marka nu Mary’ inn ah a pai hi. Tua lai ah mi tampi kikhawmin thu a na ngen uh hi.

Tedim Bible

¹² Tua bang a ngaihsut khit ciangin Marka, a min thak Johan’ nu Mari’ innah a pai hi. Tua san takah mi tampi hong kikhawm uh a, thu a ngen uh hi.

Sawltak 12:12 Referans Kwoze

Sawltak 12:5

Tua ahih manin thong sungah Peter kikhum a, ahi zongin pawlpi mite in lungsim takpi tawh ama adingin Pasian kiangah thu a ngetsak uh hi.

Filemon 1:24

ka nasep pih Marka, Aristarkhas, Demas le Luka te in hong hopih uh hi.

Sawltak 13:5

Saipras tuikulh a om Salamis khua a tun uh ciangin Jew miteʼ kikhopna innte ah Pasian thu a hilh uh hi. Tua a nasepna uh ah a huh dingin Johan Marka zong amaute tawh a om khawm hi.

Sawltak 12:25

Barnabas le Saul in a nasep a man khit uh ciangin Jerusalem khua panin ciahkik uh a, Johan Marka zong a ciahpih uh hi.

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.

2 TIMOTI NIHNA 4:11

Luka bek kei kiangah om hi. Marka in nasepna ah nakpi takin hong huh thei ahih manin na hong pai ciangin amah hong tonpih in.

Kolose 4:10

Kei tawh thong a kia khawm Aristarkhas in note hong hopih hi. Barnabasʼ sanggamnuʼ tapa Marka in zong hong hopih hi (amah hong pai ciangin hoihtakin na pawlbawl un, ci-a hong kigen pa ahi hi).

Sawltak 13:13

Tua ciangin Pafos khua panin Paul le a lawmte teembaw tuangin Pamfilia gam Perga khua a tung uh hi. Tua khua panin Johan Marka in amaute nusia-in Jerusalem khua ah a ciahkik hi.

Sawltak 16:40

Paul le Silas zong thong panin pai khia-in Lydiaʼ inn a zuan uh hi. Tua lai ah thu um mite tawh kikhawm uh a, hanthotna kam a gen khit uh ciangin tua khua panin a ding khia uh hi.

Sawltak 4:23

Peter le Johan a kikhahkhiat khit phetin a lawmte uh kiangah pai-in siampi liante le upate in amaute tungah a thugente khempeuh a zasak uh hi.

1 PETER MASA 5:13

Note mah bangin Pasian in a teel, Babylon khua-a om pawlpi mite in hopihna kam hong khak uh a, ka tapa Marka in zong note hopihna kam mah hong khak hi.