Sawltak 11:5 - Tedim Bible Revision 2017

⁵ “Joppa khua ah thungenin ka om laitakin maang ka mu hi. A peek deda khat a kiu li ah khau kivawhin vantung panin hong kikhai suk ka mu a, keima mai sanah hong khawl hi.

Tedim Bible

⁵ “Keimah in Joppa khua sungah thu ka ngen hi. Ka nget lai takin mang sungah vantung panin kiu li tawh a kikhaisuk puanza tawh kibang na khat ka muh leh, keima kiangah hong tungsuk hi.

Sawltak 11:5 Referans Kwoze

Sawltak 22:17

“Tua ciangin Jerusalem khua ah ka ciahkik a, biakinn sungah thu ngenin ka om laitakin maang ka mu hi.

Sawltak 9:10

Tua laitakin Damaskas khua ah Ananias min nei thu um mi khat a om hi. Amah in maang mu a, a mang sungah Topa in, “Ananias aw,” ci-in a sam hi. Ananias in, “Topa aw, ka om hi,” ci-in a dawng hi.

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te adingin a bei hun uh tung ta hi. Amaute gim ka piak ding ka khawl nawn kei ding hi.

Ezekiel 2:9

Tua ciangin kei lamah khut khat hong kizan a, tua khut in laizial tawn khat a tawi ka mu hi.

Sawltak 9:36

Joppa khua ah Pasianʼ thu a um, Tabitha min nei numei khat a om hi. (Tua nuʼ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 9:42

Joppa khua sung khempeuh ah hih thu kithei kim a, mi tampi in Topa a um uh hi.