Sawltak 11:23 - Tedim Bible Revision 2017

²³ Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Tedim Bible

²³ Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Sawltak 11:23 Referans Kwoze

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Sawltak 13:43

Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasianʼ hehpihna suangin kip takin a om nadingun a gen uh hi.

1 JOHAN MASA 2:28

Ka itte aw, Khris hong kilatkik ciangin lungmuang takin i om theih nading le ama hong pai Ni ciangin i bukbuk loh nadingin amah tawh kip takin kipawl ni.

2 TIMOTI NIHNA 3:10

Ahi zongin nangmah in ahihleh ka thuhilhna, ka gamtatna le ka nuntakna ah ka ngim ka tup thute na hong zui hi. Ka upna, ka lungduaina, itna ka neihna, ka lungkipna,

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

Sawltak 20:24

Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

3 JOHAN THUMNA 1:4

Tate bangin ka hong neih mite a mantakin a gamtatna uh ka zakna hangin ka lungdamna sangin a dang lungdamna lian zaw bangmah om lo hi.

Sawltak 14:26

Attalia panin tu-a a zawh uh nasep a kipat nadingun Pasianʼ khut sungah amaute a ki-apna Antiok khua teembaw tuangin a zuankik uh hi.

Thu-hilhkikna 30:20

Topa na Pasian uh itin, ama thu mangin, amah beel un; bang hang hiam cih leh Topa in na pu na pate uh Abraham, Isaac le Jakob tungah piak dingin a kiciam sa leitang ah note na ten theih nadingun tua pen note-aʼ dingin nuntakna le khansauna ahi hi,” a ci hi.

Thu-hilhkikna 10:20

Topa noteʼ Pasian na zahtak ding uh a, ama na semin, amah beelin, ama min tawh na kiciam ding uh hi.

Johan 15:4

Kei tawh hong kizom paisuak le-uhcin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theih loh mah bangin note zong kei tawh na kizop kei uh leh gah na gah thei kei ding uh hi.

Mattiu 16:24

Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Joshua 22:5

Topaʼ nasem Moses in note hong piak thupiakna le thukham ahi, Topa na Pasian uh it ding, ama lampi khempeuh zuih ding, ama thupiakte zuih ding, amah belh ding le na lungsim khempeuh uh le na nuntakna khempeuh uh tawh ama na na sep ding uh limtakin ngaihsun un,” a ci hi.

2 KORIN NIHNA 1:17

Hih bangin ka ngaihsutna pen a mawk kheel themthum hong sa na hi uh hiam? Leitung mihingte bangin angsung phattuam nading a om kei leh a gen sa thu a kheel themthumte bang hong sa na hi uh hiam?

Sawltak 20:32

“Tu-in Pasianʼ khut sung le ama dikna thu sungah note ka hong ap hi. Amah in note hong khangtosak thei-in, ama mite khempeuh adingin a koih thuphate note tungah hong pia thei hi.

Sawltak 15:40

Paul in zong Silas teel a, thu um mite in Topaʼ khut sungah a ap khit uh ciangin,

Marka 2:5

Jesu in hih miteʼ up mahmahna thu a muh ciangin khutlekhe zaw mipa kiangah, “Ka ta aw, na mawhnate hong kimaisak hi,” a ci hi.

Daniel 1:8

Daniel in kumpi inn sunga an le leenggahzu tawh a pumpi a thanghuaisak loh nadingin a lungsim a khensat hi. Amah in innsung maang lian pen Ashpenaz kiangah tua bang an a kipiak loh nadingin a ngen zaw hi.

Paunak 23:28

Gutate bangin nang hong buk sim a, mi tampi tak siasak uh hi.

Paunak 23:15

Ka ta aw, mipil suak lecin ka lungdam mahmah ding hi.

Late 17:3

Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

Sawltak 4:36

Tua hi a, Saipras tuikulh a suak, Levi mi Josef, sawltakte in Barnabas (Hanthawn Siampa a cihnopna) min a phuah pa in,

ROM (Romans) 12:8

Midangte hanthot theih nading siamna a nei ihih leh midangte hanthawn ni. Midangte hop theih nading a nei ihih leh citna taktak tawh hawm ni. Makaih theih nading siamna a nei ihih leh hoihtakin na sem ni. Midangte hehpih theih nading a nei ihih leh maitai takin hih ni.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

1 PETER MASA 5:12

Thu upna sungah mi citakin ka ngaihsut Silasʼ huhna tawh hih lai tomno gelhin amah ka hong puasak hi. Hih thute pen Pasianʼ hong hehpihna taktak hi, ci-in teci pangin note ka hong hanthawn hi. Tua ahih manin hih thute ah kipin om un.

Juda 1:4

Bang hang hiam cih leh Pasianʼ thu a ngaihsun lo mi pawl khat, eite lakah kuama phawk lohin hong lut sim uh a, amauteʼ mawh gamtat ngamnate a seelna-un Pasianʼ hehpihna thupha a lehlamin hei-in, eite in khat bek i neih i Mangpa le i Topa ahi Jesu Khris a nial uh hi. Hih bang miteʼ gimthuak ding thu tanglai pekin Lai Siangtho in a gen sa thu ahi hi.

2 KUMPI NIHNATE 18:6

Bang hang hiam cih leh amah in Topa kip takin len hi. Amah zuihna panin kihem khia lo a, Topa in Moses tungah a gen thupiaknate a zui hi.