Sawltak 11:22 - Tedim Bible Revision 2017

²² Jerusalem-a om pawlpite in hih thu a zak uh ciangin Antiok khua ah Barnabas a paisak uh hi.

Tedim Bible

²² Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 11:22 Referans Kwoze

Sawltak 9:27

Tua ciangin Barnabas in Saul hong huh a, sawltakte kiangah Saul a va paipih hi. Lam a pai laitakin Saul in Topa a muhna thu, Topa in Saul kiangah a thugennate le Damaskas khua ah Saul in hang takin Jesuʼ min tawh thu a hilhnate khempeuh sawltakte kiangah a gensak hi.

1 THESALONIKA MASA 3:6

Ahi zongin tu-in note kiang panin Timoti hong tung khin a, noteʼ upna le nong itna uh thute a hong gen hi. Kote na hong lim ngaihsutnate uh le kote in ka hong muhnop uh mah bangin note in zong kote na hong muhnopna uh thute khempeuh a hong gen hi.

Sawltak 15:22

Tua ciangin sawltakte, upate le pawlpi buppi in amau sung panin mi pawl khat teelin Paul le Barnabas tawh Antiok khua ah a paikhawmsak ding uh a vaihawm uh hi. Amaute tawh a pai khawm dingin thu um mite in a zahtak bawl mahmah mi nih, Barsabbas Judas le Silas teel khia uh a,

Sawltak 15:2

Hih thu huhau-in Paul le Barnabas le hih mite kikalah nakpi takin thu kinialna omin thu kiseel uh ahih manin, Paul le Barnabas le Antiok khua-a a om mi pawl khatte Jerusalem khua ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Sawltak 11:1

Gentail mite in zong Pasianʼ thu a upna uh, Judea gam sunga om sawltakte le thu um mite in a za uh hi.

Sawltak 8:14

Samaria mite in Pasianʼ thu a san khitna uh, Jerusalem-a om sawltakte in a zak uh ciangin amaute kiangah Peter le Johan a paisak uh hi.

Sawltak 6:5

A vekpi-un sawltakteʼ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas le Antiok khua pan Gentail mi ahi Jew biakna a zui Nikolas a teel uh hi.

Sawltak 11:19

Stefen a kithah huna bawlsiatna hangin thu um mite tampi kithehthang uh hi. Mi pawl khatte Foenisia gam, Saipras gam le Antiok khua ciang dong tung uh a, Jew mite kiang bekah Pasianʼ thu a hilh uh hi.

Sawltak 11:20

Ahi zongin Saipras gam mi le Sairin khuami thu um mi pawl khatte Antiok khua ah pai uh a, Topa Jesu hanga Lungdamna Thu, Gentail mite kiangah zong a gen uh hi.

Sawltak 11:26

Saul a muh ciangin Antiok khua ah a paipih hi. Kum khat sung tawntung tua lai-a om pawlpi mite tawh amau tegel om khawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Sawltak 11:27

Tua hun pawl laitakin Jerusalem khua panin Antiok khua ah kamsang pawl khat pai suk uh hi.

Sawltak 18:22

Sisaria khua a tun ciangin Jerusalem khua ah pai-in pawlpite va hopih a, tua ciangin Antiok khua ah a pai hi.

Galati 2:11

Antiok khua ah Peter hong hawh sungin a gamtat khialhna hangin thu up pih mite lak mahah amah ka taii hi.