Sawltak 11:21 - Tedim Bible Revision 2017

²¹ Topa in nakpi takin amaute huh ahih manin mi tampi in thu umin Topa lamah a kihei uh hi.

Tedim Bible

²¹ Pasian’ khut in amaute tawh omkhawm a, thu-um mi tampi in Pasian kiangah a kihei uh hi.

Sawltak 11:21 Referans Kwoze

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Luka 1:66

Hih thu a za mi khempeuh in, “Hih naungek a bangci mi hong hi ding hiam?” ci-in a lungsim sung uh ah a ngaihsun ciat uh hi. Bang hang hiam cih leh Topa in amah a huhna thu teltakin kilang hi.

1 THESALONIKA MASA 1:5

Bang hang hiam cih leh note kiangah Lungdamna Thu kong hilh lai-un kam bek tawh a hong gen hi loin, Kha Siangthoʼ vangliatna le Lungdamna Thu a man taktak hi, ci-in theihna tawh a hong pai ka hi uh hi. Note kiangah ka om laitakun noteʼ phattuam nadingin ka sep ka bawlna khempeuh uh na thei uh hi.

Sawltak 9:35

Tua khua-a teeng mi khempeuh le Sharon zanglei-a teeng mi khempeuh in Aineas mu uh ahih manin Topa a um uh hi.

Isaiah 59:1

A hon khia zo lo dingin Topa zawngkhal lo a, khua a za thei lo dingin a bilngong lo hi.

Sawltak 11:24

Barnabas pen mihoih mahmah, upna nei-in, Kha Siangtho tawh a kidim mi khat ahi hi. Mi tampi in Pasian a um uh hi.

Sawltak 6:7

Tua bangin Pasianʼ thu kizelin hong khang semsem hi. Jerusalem khua sungah thu um mi tampi tak hong kibehlap a, siampi tampi tak in zong Lungdamna Thu a hong um uh hi.

Sawltak 5:14

Topaʼ thu a um numei pasal tampi tak hong kibeh laplap uh hi.

Sawltak 4:4

Ahi zongin amauteʼ thugen a za mi tampi in um uh a, thu um mi tul nga bang a pha ta uh hi.

Isaiah 53:1

Tua ciangin mite in, “I zak thu kua in um thei ding ahi hiam? Hih bang thu ah Topa’ vangliatna khut kua in bangci muh theih ding ahi hiam?

Nehemiah 2:18

Tua ciangin a dik ka Pasian in kei hong ompihna le kumpipa in kei tungah hong gen thute zong amaute tungah ka gen hi. Tua ciangin amaute in, “Tu-in nasep kipan pah ni,” hong ci uh hi. Tua ahih ciangin lawp mahmahna le ngimna hoih tawh nasep a kipan uh hi.

Nehemiah 2:8

le biakinn hutna ding mun muanhuai kongpi ding, khuapi kulh ding le ka om nading inn lam nadingin sing hong piak theih nadingin kumpipaʼ tulak a kem Asafʼ tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Ezra 8:18

Tua hi a, hehpihna a nei eiteʼ Pasian in hong ompih ahih manin Levi mi Mahli-te beh sung panin thu ngaihsut siam mi ahi Sherebiah, a tapate le a behte tawh pasal sawm le giat,

Ezra 7:9

A kha masa a ni khat ni-in Babylon pan a ding khia dingin Ezra in a ni sehkhol a, a kha ngana a ni khat ni-in Jerusalem a tung uh hi; bang hang hiam cih leh Pasian in amah ompih hi.

2 KHANG TANGTHU NIHNATE 30:12

Topaʼ thupiakna tawh kumpipa le ulianteʼ sawlna a sem dingin Judah mite tungah Pasian in lungsim kikhatna a guan hi.

Sawltak 15:19

Tua ahih ciangin keima ngaihsutna ah, Pasianʼ lamah a kihei hih Gentail mite nawngkaisak lo zaw-in,