Sawltak 11:13 - Tedim Bible Revision 2017

¹³ Tua ciangin amah in vantungmi khat a inn sungah a ding mu-in, tua vantungmi in ama kiangah, ‘Simon Peter a kici mipa a sam dingin Joppa khua ah mi sawl in.

Tedim Bible

¹³ Amah in, ‘Vantungmi khat in ka inn sungah ding-a om ka mu a, ‘Joppa khua-ah a min thak Piter kici Simon sam dingin sawl in.

Sawltak 11:13 Referans Kwoze

Sawltak 12:11

Tua ciangin Peter in khua phawk a, “Maang a mu ka kisak leh a takpi na hi mawk! Topa in a vantungmi kei kiangah hong sawl a, Herod in hong gimsak nading le Jew mite in gimna hong thuaksak nading panin kei hong hon khia hi,” a ci hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zak theih nadingin a inn ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Sawltak 9:43

Joppa khua ah ni tampi sung Peter tam lai a, savun nim nasepin a nei Simon a kici mipa tawh a om khawm hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Sawltak 9:36

Joppa khua ah Pasianʼ thu a um, Tabitha min nei numei khat a om hi. (Tua nuʼ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 9:42

Joppa khua sung khempeuh ah hih thu kithei kim a, mi tampi in Topa a um uh hi.

Sawltak 11:12

Lunghiang loin amaute ka zuih pah nadingin Kha Siangtho in kei tungah hong gen khinzo hi. Joppa khua panin hih i sanggam gukte in zong Sisaria khua ah hong zui uh a, ka vekpi-un Kornelias inn ah ka lut uh hi.

Sawltak 11:14

Amah in nang le na innkuan khempeuh un hotkhiatna na ngah nading uh thu hong gen ding hi,’ a cihna thu a hong gen hi.