Sawltak 11:12 - Tedim Bible Revision 2017

¹² Lunghiang loin amaute ka zuih pah nadingin Kha Siangtho in kei tungah hong gen khinzo hi. Joppa khua panin hih i sanggam gukte in zong Sisaria khua ah hong zui uh a, ka vekpi-un Kornelias inn ah ka lut uh hi.

Tedim Bible

¹² Kha Siangtho in, ‘Na lung himawh sak loin amau tawh na paikhawm in,’ hong ci hi. Hih unau gukte in zong keimah tawh a paikhawm uh a, tua mipa’ innah a tum uh hi.

Sawltak 11:12 Referans Kwoze

Sawltak 8:29

Tua laitakin Kha Siangtho in Filip kiangah, “Pai inla tua leeng mai ah va om in,” ci-in a sawl hi.

ROM (Romans) 3:22

Tua thu in: Jew mi le Gentail mi kuamah a kilamdanna om loin Jesu Khris upna hangin mi khempeuh in Pasian tawh kipawl theihna a ngah hi.

2 THESALONIKA NIHNA 2:2

Topaʼ hong pai ding ni hong tung khinta hi, ci-a thu kigenna hangin lunghimawhin lungmangin om kei un. Thuhilh khat peuhpeuh in hih bang thu hong gen kha thei dinga, tua thu pen koteʼ gen leh gelh hi, ci-in zong gen kha ding uh hi.

Sawltak 10:23

Tua ahih manin amah tawh a giak khawm dingin Peter in amaute a sam hi. A zing ciangin Peter zong kithawi-in amaute tawh pai khawm a, Joppa khua-a om thu um mi pawl khatte in zong a zui uh hi.

Sawltak 15:9

Pasian in eite le Gentail mite deidanna hong nei lo a, amaute in zong a up manun mi siangtho-in a bawl hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong pai khawm Jew mi thu umte in lamdang a sa mahmah uh hi.

Johan 16:13

Tua ahih manin thuman hong lak ding Kha Siangtho hong tun ciangin thu khempeuh a manin hong hilh ding hi. Ama ngaihsut tawm thu hong gen ding hi lo a, ama tungah a kigen thute le a hong tung ding thute a hong gen ding ahi hi.

Mattiu 1:20

Ahi zongin hih bangin thu a ngaihsut laitakin a mang sungah Topaʼ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah teenpih ngam lah kei in.

Mangmuhna 22:17

Kha Siangtho le Mothak in Jesu kiangah, “Hong pai in,” a ci uh hi. Hih thu a za mi khempeuh in zong Jesu aw, “Hong pai in,” ci ta uh hen. A dangtak mi khempeuh hong pai uh henla, a deih khempeuh in nuntakna tui a khongin hong la ta uh hen.

Sawltak 15:7

Sau veipi a kiseel khit uh ciangin Peter hong dinga, “Lawmte aw, Gentail mite in Pasianʼ thu za-in a up theih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teel khiatna thu na thei uh hi.

Sawltak 13:4

Kha Siangthoʼ sawlna mah bangin Seleusia khua ah pai suk uh a, tua khua panin teembaw tuangin Saipras tuikulh ah a pai uh hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sap sa ahih manin kei adingin Barnabas le Saul hong pia khia un,” a ci hi.

Sawltak 1:15

Tua khit a sawt loin thu um mi za khat le sawm nih bang a kikhop khawm laitakun Peter hong dingin thu hong gen a,

Sawltak 11:13

Tua ciangin amah in vantungmi khat a inn sungah a ding mu-in, tua vantungmi in ama kiangah, ‘Simon Peter a kici mipa a sam dingin Joppa khua ah mi sawl in.

Sawltak 28:15

Rom khua-a om ulenaute in koteʼ thu na za uh ahih manin pawl khat in, “Appias Sumbuk,” ciang dong hong dawn uh a, pawl khat in “Ansai Thumna,” ciang hong ban uh hi. Paul in amaute a muh ciangin Pasian tungah a lungdamna ko a, a lungsim hong nuam mahmah hi.