Sawltak 10:36 - Tedim Bible Revision 2017

³⁶ Mi khempeuhʼ Topa ahi Jesu Khris hangin a kingah Lungdamna Thu, Israel mite tungah Pasian in a puakna thu na thei uh hi.

Tedim Bible

³⁶ Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Sawltak 10:36 Referans Kwoze

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Sawltak 2:36

“Tua ahih ciangin singlamteh tungah na thah uh hih Jesu pen Pasian in Topa le Khris in a bawl khitna thu, Israel mi khempeuh in teltakin thei ta un,” a ci hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

1 KORIN MASA 15:27

Bang hang hiam cih leh Lai Siangtho in, “Pasian in na khempeuh ama khe nuai ah koih hi,” na ci hi. “Na khempeuh,” a cih ciangin Khrisʼ khutnuai ah na khempeuh a koih Pasian mahmah sim loh a vekpi-in a huam khin ahihna kitel hi.

Mangmuhna 19:16

A puan tung le a phei tungah, “Kumpiteʼ Kumpi, topateʼ Topa,” ci-in a min kigelh hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

Filippi 2:11

Jesu Khris in Topa ahi hi, ci-in taangko-in Pa Pasian a min thangsak ding uh hi.

1 KORIN MASA 15:47

A masa Adam pen leitung leivui tawh a kibawl hi a, a nunung Adam pen vantung panin a hong pai ahi hi.

ROM (Romans) 14:9

Hih thu hangin Khris pen a site le a hingteʼ Topa ahih theih nadingin hong si-in hong nungtakik hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Sawltak 13:32

Kote pen note kiangah Lungdamna Thu a puak dingin hih lai ah a hong om ka hi uh hi. Tua thu in: Pasian in i pu i pate tungah a ciam thu pen Jesu a hinkiksakna tawh, Israelʼ suan ahi eite le midang khempeuh adingin tu-in a hong tungsak ahi hi. Late a lian nihna sungah, ‘Nang pen ka Tapa na hi a, tu ni-in nangma Pa ka suak hi,’ a cihna thu hong tungsak hi.

Sawltak 11:19

Stefen a kithah huna bawlsiatna hangin thu um mite tampi kithehthang uh hi. Mi pawl khatte Foenisia gam, Saipras gam le Antiok khua ciang dong tung uh a, Jew mite kiang bekah Pasianʼ thu a hilh uh hi.

Sawltak 5:31

Israel mite kisikkikin Pasian in a mawhna uh a maisak theih nadingin Ukpi le Honpa-in tua Jesu bawlin ama tak lamah a tusak hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Mattiu 10:6

Tuu bangin a mangthang Israel mite lakah va pai zaw un.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Hosea 1:7

Ahi zongin Judah mite ka hehpih dinga, namsau le thal, sakol le sakol tung tuangte le galsimna tawh hi loin, amauteʼ Topa Pasian ahi kei mahmah in amaute ka hon khia ding hi,” a ci hi.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

Isaiah 55:12

Bang hang hiam cih leh Babylon panin lungdamna tawh na paikhia ding uh a, nopsakna tawh hong kipaikhiat pih ding hi. Note mai-a mual liante le mual neute in la sa-in awng ding uh a, gam sunga sing khempeuh in a khut uh beeng ding uh hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Late 72:7

Ama hun sungin thuman pung henla, khapi a bei mateng nopna om tahen.

Late 45:11

Na melhoihna hangin kumpipa in hong deih ding hi. Na topa ahih ciangin ama mai ah kun in.

Late 45:6

Na kumpi tokhom siangtho kip tawntung hi. Na kumpi ciangkhut thumanna ciangkhut hi a,

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Kolose 1:20

Pasian in a Tapa zangin na khempeuh ama kiangah a kaihkik ding a seh sa ahi hi. Tua ahih manin singlamteh tungah a Tapa a sihna hangin amah tawh kilemkik theih nading hong omsak ahih manin, leitung, vantung a om khempeuh ama kiangah a hong tunkik ahi hi.

Luka 1:79

sih ding lauhuaina sungah a om mi khempeuh tungah vantung khuavak hong taangsak dinga, nopsakna lampi ah hong kha ding hi,” a ci hi.

Sawltak 10:37

Johan in tuiphumna thu a hilh khit a kipanin Galilee gam a kipan Judea gam khempeuh ah a piang thu lianpite na thei uh hi.

ROM (Romans) 5:1

Tu-in upna hangin Pasian tawh kipawl khinta ihih manin i Topa Jesu Khris hangin Pasian tawh a kilemkik ta ihi hi.