Sawltak 10:3 - Tedim Bible Revision 2017

³ Khat vei nitak nai thum pawlin maang mu a, Pasianʼ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Tedim Bible

³ Nikai nai thum ciangin mangmu-in, Pasian’ vantungmi khat hong pai tel takin mu a, “Kornelias aw,” ci-in a sam hi.

Sawltak 10:3 Referans Kwoze

Sawltak 3:1

Ni khat, thunget hun nitak nai thum laitakin biakinn ah Peter le Johan a pai uh hi.

Sawltak 5:19

Ahi zongin tua zanin Topaʼ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Hebru 1:4

Vantung miteʼ ngah minthanna sangin Tapa tungah Pasian in a piak min a liat zawk mah bangin vantung mite sangin Tapa lian zaw thampek hi.

Sawltak 27:23

Bang hang hiam cih leh kei tawh a kipawl ka biak Pasianʼ vantungmi, tu zanin ka kiangah hong pai a,

Sawltak 11:13

Tua ciangin amah in vantungmi khat a inn sungah a ding mu-in, tua vantungmi in ama kiangah, ‘Simon Peter a kici mipa a sam dingin Joppa khua ah mi sawl in.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

Sawltak 10:19

Tua bangin Peter in a maang muh lungngaingai-in a om laitakin Kha Siangtho in, “En in, mihing thum in nang hong zong uh hi.

Sawltak 10:17

Peter in tua a maangmuhna bang a cihnopna hi ding ahi hiam, ci-in lamdang sa-in a om laitakin, Kornelias in a sawl mite in Simonʼ inn hong kan kawikawi uh a, a inn hong thei uh ahih manin a kong biang hong tung ta uh hi.

Sawltak 9:10

Tua laitakin Damaskas khua ah Ananias min nei thu um mi khat a om hi. Amah in maang mu a, a mang sungah Topa in, “Ananias aw,” ci-in a sam hi. Ananias in, “Topa aw, ka om hi,” ci-in a dawng hi.

Sawltak 9:4

Saul, leilak ah puk suk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Luka 2:13

Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

Luka 1:11

Tua laitakin Topaʼ vantungmi khat ama kiangah hong kilang a, paknamtui a kihalna biakna tau taklam pangah a ding hi.

Mattiu 27:46

Nitak nai thum hun pawl laitakin Jesu nakpi takin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani,” a ci hi.

Isaiah 45:4

Ka nasem pa Jakob, ka teel sa Israel ka ngaihsutna-in nang pen na minin kong sam a, nong theih loh hangin min thak kong phuak hi.

Paikhiatna 33:17

Topa in Moses kiangah, “Nangma gen sa hih thu mahmah keimah in ka hih ding hi. Bang hang hiam cih leh ka muhna ah nang in maipha na ngah zo a, na minin nang kong thei hi,” a ci hi.

Late 55:17

Nitak, zingsang le sunin ka gimna leh ka thumnate ama tungah ka gen a, amah in keima thumna aw, hong za ding hi.

Sawltak 10:9

A zing ciangin Joppa khua ah amaute a tun dektak laitakun, thungen dingin sun laitakin innkhum zang ah Peter a kah to hi.