Sawltak 10:26 - Tedim Bible Revision 2017

²⁶ Ahi zongin Peter in amah kai to a, “Ding in; kei zong mihing mah ka hi lel hi,” a ci hi.

Tedim Bible

²⁶ Piter in amah phongto a, “Tho in. Keimah zong mi ka hi hi,” a ci hi.

Sawltak 10:26 Referans Kwoze

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Mattiu 4:10

Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Isaiah 42:8

“Kei pen Topa ka hi a, Topa pen keima min ahi hi. Pasian dangʼ tungah keima-aʼ tawh a kibang minthanna ka pia kei a, a kisui milimte zong keimah hong kiphatnate pawl ka ngahsak kei hi.

Isaiah 48:13

Ka khut in leitung bulpi koih a, ka khut taklam in vantungte zal hi. Amaute ka sap ciangin amaute om khawm pah uh hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.