Sawltak 10:22 - Tedim Bible Revision 2017

²² Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zak theih nadingin a inn ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Tedim Bible

²² amaute in, “Pasian a kihta, Judah mi khempeuh in a zahtak, midik, galkap mangpa Kornelias in nangmah hong sam a, nangmah kiang pan thu a zak nading, vantungmi siangtho khat in thu a pia hi,” a ci uh hi.

Sawltak 10:22 Referans Kwoze

Sawltak 11:14

Amah in nang le na innkuan khempeuh un hotkhiatna na ngah nading uh thu hong gen ding hi,’ a cihna thu a hong gen hi.

Sawltak 10:2

Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpi takin na sem a, Pasian kiangah thu a ngen tawntung mi khat ahi hi.

3 JOHAN THUMNA 1:12

Mi khempeuh in Demetrias phatkim uh a, a manin ama gamtatna mahmah in hih thu a manna hong kilangsak hi. Kote in zong ama hoihna ka thei uh a, tua ama hoihna ka gennate uh a thuman ahi hi.

2 PETER NIHNA 3:2

Tanglai pek a kamsang siangthoteʼ thugen kholhte le note lakah sawltak na a semte in Topa le Honpaʼ thupiakte a hong gen sawn uh thute na phawkkik ding uh ka deih hi.

Hebru 12:23

vantungah a min a kikhum Pasianʼ ta upate a kikhopna, mi khempeuhteʼ thu a khen Pasianʼ kiang, a cingtaakin a kibawl midikteʼ kha a omna,

Hebru 11:2

Tanglai mite in upna a na neih manun Pasian in a na pakta hi.

Hebru 10:38

Ahi zongin keima mi a thuman mite in ka thu umin nungta ding uh a, a nungkik a om uh leh tua mite tungah ka lungkim kei ding hi,” na ci hi.

1 TIMOTI MASA 3:7

Pawlpi mi ahi lo midangte in zong a zahtak mite hi ding hi. Tua hileh mindai kha lo dinga, Dawimangpaʼ thang ah awk kha lo zaw deuh ding hi.

2 KORIN NIHNA 5:18

Hih thu khempeuh Pasianʼ vaihawm hi a, eite pen Pasianʼ gal hi napi-in Khris hangin amah tawh a kilem mi hong hisak a, kote tungah tua kilem nading nasep hong pia hi.

ROM (Romans) 1:17

Lai Siangtho sungah, “Pasian a upna hangin amah tawh pawl khat ahi mite nungta ding hi,” ci-in a kigelh mah bangin Pasian in amah tawh a kipawl theih nadingin mite a bawlna zia, lungdamna thu in hong kilangsak hi. Tua pen, a patna panin a tawp dongin upna hang bek tawh ahihna thu hong laktel hi.

Sawltak 24:15

Amauteʼ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

Sawltak 22:12

“Tua khua ah Ananias min nei, Thukham limtakin zui-in biakna hahkat mahmah, Damaskas khua-a om Jew mite in a zahtak mahmah mi khat a na om hi.

Sawltak 10:33

Tua ahih manin nang kong samsak pah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasianʼ omna hih lai munah a om ka hi uh hi,” ci-in a dawng hi.

Sawltak 10:6

Tua mipa pen, tuipi gei-a teng savunnim nasepin a nei Simon inn ah zin tungin a om ahi hi,” a ci hi.

Sawltak 6:3

Tua ahih ciangin sanggamte aw, note lak panin pilna le Kha Siangtho a nei mihing sagih hong kiteng khia unla, hih thute a vaihawm dingin i koih ding hi.

Johan 17:20

“Hih mite ading bek thu a hong ngetsak ka hi kei a, amauteʼ thugenna hangin kei hong um mite ading zong a hong ngetsak ka hi hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Johan 6:68

Simon Peter in, “Topa aw, ciah le ung kua kiang zuan mawk ding ka hi uh hiam? Nangmah in nuntak tawntung nading thu na nei hi.

Johan 6:63

Nuntakna a pia thei pen Pasianʼ Kha hi a, mihingteʼ hih theih bangmah om lo hi. Keima hong gen thute pen nuntakna a hong pia thei tua Kha thu ahi hi.

Johan 5:24

“A mantakin kong genin ah: Ka thugennate za-in kei hong sawl pa a um khempeuh a nungta paisuak ding hi ta hi. Mawhsak thukhenna ngah nawn loin, sihna panin a hingkik ta ahi hi.

Luka 23:50

Tua laitakin Josef a kici mi khat om a, Judea gam sunga om Arimathea khuami ahi hi. Amah pen mihoih, a zahtakhuai mi khat hi a, Pasianʼ Uk ding hun lamenin a ngakngak mi khat ahi hi. Amah pen ulian thu vaihawm sunga kihel hi a, ahi zongin a lawmteʼ vaihawmna le a nasepnate uh thukimpih lo hi.

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Paʼ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen za nuam veve hi.

Mattiu 1:19

A lawmpa Josef pen a manin a gamta nuam mi khat ahih manin a lawmnu maizumsak nuam lo a, kuama theih lohin mak sim dingin a ngaihsun hi.

Habakkuk 2:4

Tua a hong tung ding thu pen ‘A gilo mite suakta lo dinga, thuman mite ahihleh Pasian tungah a cihtak manun nungta ding hi,’” a hong ci hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Mattiu 2:12

Herod kiangah a kihilkik loh nadingun a mang sung uh ah Pasian in hilh ahih manin, lampi dang tawnin a gam uh ah a ciahkik uh hi.

Luka 9:26

Keima hang le ka thuhilhnate hangin a maizum peuhmah, a Paʼ minthanna vang le a siangtho vantung miteʼ minthanna tawh a minthangin hong paikik ciangin Mihing Tapa zong ama hangin a maizum ding hi.

Sawltak 10:21

Tua ciangin Peter zong amaute kiangah pai suk a, “Kei pen na zon pa uh ka hi hi. Bang thu ahi hiam?” ci-in a dong hi.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

Mangmuhna 14:10

Pasianʼ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai ah meikuang le kat khu tawh gimna kipia ding hi.

Thu-hilhkikna 30:13

Note in, ‘Eite in a thu za-in i sep theih nadingin kua in tuipi gal khat ah hong paisakin hong laksak ding ahi hiam?’ na cih theih nadingun tuipi gal a om zong hi lo hi.