Sawltak 10:19 - Tedim Bible Revision 2017

¹⁹ Tua bangin Peter in a maang muh lungngaingai-in a om laitakin Kha Siangtho in, “En in, mihing thum in nang hong zong uh hi.

Tedim Bible

¹⁹ Piter in a mangmuhna a ngaihsut lai takin Kha Siangtho in, “Mi thumte in nang hong zong uh hi.

Sawltak 10:19 Referans Kwoze

Sawltak 8:29

Tua laitakin Kha Siangtho in Filip kiangah, “Pai inla tua leeng mai ah va om in,” ci-in a sawl hi.

Sawltak 21:4

Tua khua ah ka kan uh leh thu um mi pawl khat na om uh a, amaute kiangah nipikal khat sung ka taam uh hi. Jerusalem khua ah Paul a pai loh nadingin Kha Siangthoʼ lamlahna tawh amaute in a gen uh hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sap sa ahih manin kei adingin Barnabas le Saul hong pia khia un,” a ci hi.

Sawltak 11:12

Lunghiang loin amaute ka zuih pah nadingin Kha Siangtho in kei tungah hong gen khinzo hi. Joppa khua panin hih i sanggam gukte in zong Sisaria khua ah hong zui uh a, ka vekpi-un Kornelias inn ah ka lut uh hi.

1 TIMOTI MASA 4:1

Nidang ciangin a upna panun mi pawl khat pialin, zuau thu gente le dawi thu a kigente a zuih nading uh Kha Siangtho in teltakin a gen hi.

1 KORIN MASA 12:11

Hih siamna a tuamtuamte a hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi.

Johan 16:13

Tua ahih manin thuman hong lak ding Kha Siangtho hong tun ciangin thu khempeuh a manin hong hilh ding hi. Ama ngaihsut tawm thu hong gen ding hi lo a, ama tungah a kigen thute le a hong tung ding thute a hong gen ding ahi hi.

Sawltak 10:3

Khat vei nitak nai thum pawlin maang mu a, Pasianʼ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Sawltak 10:18

Amaute in, “Simon Peter a kici mi khat, hih lai ah zin hong tung kha hiam,” ci-in a hong dong uh hi.

Sawltak 15:7

Sau veipi a kiseel khit uh ciangin Peter hong dinga, “Lawmte aw, Gentail mite in Pasianʼ thu za-in a up theih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teel khiatna thu na thei uh hi.