Sawltak 10:15 - Tedim Bible Revision 2017

¹⁵ A awging in ama kiangah, “Pasian in a siangin a gen sa khat peuhpeuh a ninin ngaihsun kei in,” a ci leuleu hi.

Tedim Bible

¹⁵ Khatvei aw in hong kiko a, “Pasian in a sian’ thosakte a siangtho lo na sa kei in,” a ci kik hi.

Sawltak 10:15 Referans Kwoze

1 KORIN MASA 10:25

Na lungsim uh ah kisuanna a om loh nadingin sa zuakna ah a kizuak sa peuhpeuh bang sa ahi hiam, ci-in dong se loin na ututun na ne thei ding uh hi.

Mattiu 15:11

Kam sungah a tum suk nate in mi ninsak lo a, kam sung panin a pusuak nate in mi a ninsak hizaw hi,” a ci hi.

Titu 1:15

Lungsim siangthote adingin na khempeuh a siang hi a, ahi zongin thu um lote a lungsim ngaihsutnate uh sia khin ahih manin amaute adingin a siang bangmah om lo hi.

Marka 7:19

A lungsimah tum loin a gil sung bekah tum ahih manin tua panin kitha khia lel hi. (Hih bang a gen ciangin an khempeuh nek dingin a siangtho ahi hi, ci-in Jesu in a gen ahi hi.)

ROM (Romans) 14:14

Topa Jesu tawh kipawlin a lungsim ka theihna tawh, na khat peuhpeuh ama thu-in a dawizek om het lo hi, ci-in teltakin ka thei hi. Ahi zongin mi khatpeuh in dawizek hi, ci-in a ngaihsut leh ama adingin a dawizek hi pah hi.

Sawltak 10:28

amaute kiangah, “Note mahmah in zong limtakin na theih ciat uh mah bangin Jew mite pen minam dangte kiangah hawhin a kikholh ding a ngeina hi lo hi. Ahi zongin mi khat peuhpeuh a nin hi, ci-in ka ngaihsut loh nadingin Pasian in kei tungah a thu hong lak khinzo hi.

Sawltak 11:9

Ahi zongin van panin a awging in, ‘Pasian in a siangin a gen sa khat peuhpeuh a nin na ci kei ding hi,’ hong cikik hi.

ROM (Romans) 14:20

Annek huhau-in Pasianʼ sep sa thute susia kei ni. An khempeuh a kine thei ding ahi hi; ahi zongin tua nekna hangin mi khat peuhpeuh a puk ding ahihleh a khial ihi hi.

Sawltak 15:20

milim biakna-a kizang an khempeuh a siang lo suak ahih manin a nek loh nading uh, numei tawh khialhnate panin a kikep nading uh, a si luang khiasak loin a kigawlmek sate le sasi khat peuhpeuh a nek loh nadingun lai i gelh zawk ding hoih ka sa hi.

Sawltak 15:9

Pasian in eite le Gentail mite deidanna hong nei lo a, amaute in zong a up manun mi siangtho-in a bawl hi.

Sawltak 15:29

Tua a kisam thute in: Milim biakna-in a kipia sa an khat peuhpeuh na nek loh nading uh, sasi na nek loh nading uh, a si luang khiasak loin a kigawlmek sa khat peuhpeuh na nek loh nading uh le numei tawh khialhna panin na kikep nading uh ahi hi. Hih thute hoihtakin zui le-uhcin note adingin hoih ding hi. Na cidam ta un,” ci-in kigelh hi.

Mangmuhna 14:20

Khuapi pua lamah kicil a, a cilna panin sisan vive luang khia-in, pi nga bang thukin, tai za nih ciang bangah tuikhang bangin a luang hi.

Sawltak 10:16

Tu-a bangin a thum veina dong a cih khit ciangin vantung lamah tua a peek deda a kilatokik hi.