Sawltak 1:9 - Tedim Bible Revision 2017

⁹ Hih thu a gen khit ciangin amauteʼ muh tangpi mahin vanah Jesu kila to a, meiipi in liah ahih manin amah mu thei nawn lo uh hi.

Tedim Bible

⁹ Tua thu a gen khit ciangin sawltakte in a et lai takun, Zeisu vantung lamah kilato a, amau in a muh loh nadingun meii khat in a liah hi.

Sawltak 1:9 Referans Kwoze

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Paikhiatna 19:9

Topa in Moses tungah, “En in, nang kong hopih ciangin mite in a zak theih nading le nang zong hong up theih nadingun meii sahpi sungah nang kiangah kong pai ding hi,” a ci hi. Tua ciangin Moses in miteʼ thugente Topaʼ tungah a gen hi.

Mangmuhna 11:12

Tua ciangin tua teci pang nihte in, “Hih lai ah hong pai un,” ci-in vantung panin a kisapna awging a za uh hi. Tua ahih manin a galte uhʼ muhin vantung meiipi sungah pai to uh hi.

Johan 6:62

Mihing Tapa ama omna ngei ah a ciah tokik a mu hi le-uhcin bang na ci ding uh hiam?

Luka 21:27

Tua ciangin Mihing Tapa hong kilang dinga, minthanna le vangliatna tawh meii lakah hong pai ding hi.

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai ah Egypt gam milimte lau-in liing ding uh a, Egypt miteʼ hanna bei ta ding hi.

Late 68:18

Topa nangmah Pasian tua munah na om theih nadingin a sangna ah kah to-in salte na paipih a, mihonte le mi lehdoteʼ tung nangawn panin piakkhong nate na ngah hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.

Mangmuhna 1:7

En un, amah hong paita dinga, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Paikhiatna 34:5

Meii sungah Topa kum sukin tua lai ah Moses tawh dinga, Topa in ama min a pulak hi.

Sawltak 1:11

“Galilee mite aw, bang hangin vantung lam enin ding niloh na hi uh hiam? Note kiang panin vantungah a kila to hih Jesu pen, vantungah a pai toh na muh uh bang teekteek mahin khatvei hong pai sukkik ding hi,” a ci uh hi.

1 THESALONIKA MASA 4:17

Tua ciangin tua hun laitakin a nungta lai eite pen vankim lai ah Topa a dawn dingin amah a um a si sa mite tawh hong kilakhawm dinga, Topa tawh i om khawm tawntung ding hi, cihna ahi hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.