Sawltak 1:8 - Tedim Bible Revision 2017

⁸ Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Tedim Bible

⁸ Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 1:8 Referans Kwoze

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min le Kha Siangtho min tawh tui sungah na phum un.

Marka 16:15

Tua khit ciangin amaute tungah, “Leitung khempeuh ah note pai kawikawi unla, mi khempeuh tungah Lungdamna Thu na hilh ta un.

Sawltak 5:32

Hih thute thei-in teci a pangte pen ko sawltakte bek hi loin Kha Siangtho tawh zong ka hi uh a, tua Kha Siangtho pen amah a um mite tungah Pasian in a khongin a piak ahi hi,” ci-in a dawngkik uh hi.

Sawltak 4:33

Topa Jesuʼ thawhkikna thu, sawltakte in vangliatna tawh teci pang uh a, Pasian in amaute khempeuh tungah thupha tampi a pia hi.

Sawltak 6:8

Pasian in Stefenʼ tungah thupha tampi tak pia-in vangliatna lianpi neisak a, amah in mite lakah lim le nalamdang lian pipi a bawl hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amauʼ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

Johan 15:27

A kipat cil a kipanin kei tawh om khawm na hih manun note in zong keima thu na gen ding uh hi.

Luka 10:19

Tu-in thei un. Gulpi le momaite na sik gawp nading uh le na galte uh na zawh nadingun note tungah vangliatna ka hong pia zo a, amaute in note bangmah hong cih zo lo ding uh hi.

Sawltak 1:5

Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Mattiu 24:14

Tua ciangin mi khempeuh tungah teci ahi dingin Pasianʼ hong ukna hangin a lungdamhuai thu, leitung khempeuh ah kihilh ding hi. Tua khit ciangin beina hong tung ding hi.

Sawltak 2:32

Pasian in sihna panin hih Jesu hingkiksak a, kote khempeuh pen hih thu a thei teci vive ka hi uh hi.

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tun zo ding hi.

Sawltak 22:15

Tua ahih manin na muh sa le na zak sa thu khempeuh, mi khempeuh tungah genin teci a pang ding na hi hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin Topaʼ kha le a vang tawh ka kidim a, thutang gen ngam nading lungsim ka nei hi.

Late 22:27

Leitung mi khempeuh in phawkin Topaʼ lamah kihei ding uh a, minam khempeuh in ama mai ah bia ding uh hi.

Sawltak 13:31

Galilee gam le Jerusalem khua kikalah amah tawh khual a zinzin khawm ngei mite tungah tam veipi a mun tuamtuam ah na kilang hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Sawltak 3:15

Tua ahih ciangin mite tungah nuntakna a pia pa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Isaiah 52:10

Topa in minam khempeuh mai ah a vangliatna siangtho zangin ama mite hon khia hi. Leitung mi khempeuh in i Pasianʼ hotkhiatna mu ding uh hi.

Kolose 1:23

Ahi zongin note in lungdamna thu na zak cil lai-un na neih uh lametna panin liing het loin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuh ah a kihilh lungdamna thu mah ahi hi.

Isaiah 66:19

amauteʼ lakah lim khat ka khai ding hi. Amauʼ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Sawltak 8:1

Hih Stefen thahna thu ah Saul in zong thukimpih hi. Tua ni a kipanin Jerusalem khua-a om pawlpite in nakpi takin bawlsiatna thuak ding kipan uh hi. Sawltakte sim loh, thu um midang khempeuh, Judea gam le Samaria gamah kithehthang gawp uh hi.

Isaiah 42:10

Topa’ tungah la thak sa unla, leimong panin amah phatna sa un! Tuipi le a sunga omte, tuipi gei-a om gamte le a tunga teeng mite aw, la sa un.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eiteʼ Pasianʼ gualzawhna mu khinta uh hi.

Luka 24:29

ahi zongin amau tegel in kho-in, “Tu-in nitak lam hi ta a, ni tum dektak ahih manin ko tawh hong tam khawm in,” a ci uh hi. Tua ahih manin Jesu zong amaute tawh a tam hi.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.