Sawltak 1:7 - Tedim Bible Revision 2017

⁷ Jesu in, “Ka Pa in ama thu tawh a seh sa hun le nite, cik ciangin hong tung ding cih thu noteʼ theih ding thu hi lo hi.

Tedim Bible

⁷ Zeisu in, “Pa in ama ukna-ah a koihsa a hun ahi zongin, a ni ahi zongin na theih nadingun thu a om kei hi.

Sawltak 1:7 Referans Kwoze

Mattiu 24:36

Ahi zongin a ni le a nai hun ding pen kuamah in thei lo hi. Vantungah a om vantung mite ahi a, Tapa nangawn in ahi zongin thei lo a, Pa Pasian bek in thei hi.

Marka 13:32

“Ahi zongin tua ni le tua nai hun ding kuamah in thei lo hi. Vantung a om vantung mite ahi a, Tapa ahi keimah in ahi zongin ka thei kei a, ka Pa bek in a thei hi.

Marka 10:40

Ahi zongin ka taklam a tut ding le ka veilam a tut ding pen keiʼ hong piak theih hi lo a, a tu dingin Pasian in a vaihawmsak sate ading ahi hi,” a ci hi.

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga om thute khempeuh i zuih theih nadingin hong lak khia a, eite le i suan i khakteʼ zuih tawntung ding ahi hi.

Daniel 2:21

Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Efesa 1:10

Tua a geel thu pen, a hunhoih a tun ciangin Khris khutnuai ah, vantung le leitungah a om khempeuh gawm ding ahi hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

2 TIMOTI NIHNA 3:1

Nitawp ni hun pen a lauhuai hun ahih ding lamtak phawk in.

1 TIMOTI MASA 6:15

Kumpiteʼ Kumpi, topateʼ Topa, thupha ngahin amah bek a lian pen ahi Pasian in hun a sak khatpeuh ciangin Jesu hong kilangsakkik ding hi.

Sawltak 17:26

Mihing khat tung panin leitung minam khempeuh hong piangsakin, leitung khempeuh ah a omsak hi. Amah in mihingte a piansak ma pekin, mihingteʼ nuntak tanvei ding le a ten nading uh mun a seh sa ahi hi.

Mattiu 20:23

Jesu in amaute kiangah, “Keima thuak mah bangin note in na thuak takpi ding uh a, ahi zongin ka taklam le ka veilam a tut ding pen keiʼ hong piak theih hi lo hi. Ka Pa in a seh sa mite ading bek ahi hi,” a ci hi.

JOB (Job) 24:1

“Pasian in bang hangin a thukhen ni ding seh lo a, ama nasemte thutang ahihna a lah ni ding seh lo ahi hiam?