Sawltak 1:5 - Tedim Bible Revision 2017

⁵ Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Tedim Bible

⁵ Bang hang hiam na cih uh leh, Johan in tui sungah hong baptaiz hi. Ahih hangin a sawt loin note in Kha Siangtho sungah na kibaptaiz ding uh hi,” a ci hi.

Sawltak 1:5 Referans Kwoze

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuʼ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.

Titu 3:5

amah in eite hong hon khia hi. Eite in na hoih i sep zawhna hangin hong hon khia hi loin eite tungah suahtakna le nuntakna thak a hong pia Kha Siangtho in hong sawp siangna hangin a hong hehpihna tawh a hong hon khia ahi hi.

Marka 1:8

Keimah in tui sungah note kong phum a, amah in Kha Siangtho sungah note hong phum ding hi,” a ci hi.

Sawltak 19:4

Tua ciangin Paul in, “Johanʼ hilh tuiphumna pen mawhna a kisik mite ading ahi hi. Amah in Israel mite kiangah, ‘Keima nung a hong pai ding pa Jesu um un,’ ci-in gen hi,” a ci hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong pai khawm Jew mi thu umte in lamdang a sa mahmah uh hi.

Johan 1:31

Amah a bangci mi hi ding cih thei lo napi-in, Israel mite in amah a theih nadingun tui sungah mite a phum dingin a hong pai ka hi hi,” a ci hi.

Joel 3:18

Tua hun ciangin mual tung khempeuh leenggui lo hi dinga, mual neute khempeuh tungah bawng hon dim dinga, Judah gam sung khempeuh ah tui tampi om ding hi. Topaʼ biakinn panin luitui khat hong luang khia dinga, Shitthim kuam sung khempeuh a kawtsak ding hi.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Johan 1:26

Johan in, “Keimah in tui sungah mite a phum lel ka hi hi. Ahi zongin tu mahmah in noteʼ muh ngei loh mipa, noteʼ lak mahah hong om hi.

Johan 1:33

Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong pai sukin a omna mipa pen Kha Siangtho sungah mite a phum ding pa ahi hi,’ ci-in hong gen khol hi.