Sawltak 1:26 - Tedim Bible Revision 2017

²⁶ Tua ciangin a teel nadingun lai ai san uh a, Matthias in ngah ahih manin sawltak sawm le khatte tawh a kisim khawm pah hi.

Tedim Bible

²⁶ Matthias in a ngah ciangin sawltak sawm-le-khatte tawh a kisimkhawm hi.

Sawltak 1:26 Referans Kwoze

Siampi Laibu 16:8

Aaron in tua keel nihte tungah ai saanin, khat pen Topa ading, a dang khat pen Azazel ading ahi hi.

Joshua 18:10

Joshua in amaute adingin Topaʼ mai Shiloh ah ai sansak hi. Tua ciangin Joshua in amauʼ tanh ding ciat Israel-te tungah leitang a pia hi.

Jonah 1:7

Tua khit ciangin teembaw hawlte in, “Hong pai dih un. Kuaʼ hangin hih bang gimna eiʼ tungah hong tung ahi hiam, cih i theih nadingin ai san dih ni,” ci-in khatlekhat a kikum uh hi. Ai a san uh leh Jonah tung a tu hi.

1 KHANG TANGTHU MASATE 24:5

Eleazarʼ suante le Ithamarʼ suante lakah biakinn uliante le Pasianʼ uliante om tuak uh ahih manin amaute in a kibangin aisanna tawh amaute koih uh hi.

Sawltak 2:14

Tua ciangin sawltak sawm le khatte tawh a om khawm Peter hong ding to-in, mihonte tungah nakpi takin thu hong gen a, “Ka mipih ahi Jew mite le Jerusalem khua sunga om mi khempeuhte aw, hih thupiang hong gen ding ka hih manin limtakin na ngai un.

Paunak 16:22

Pilna pen mipilte adingin hinna tuinak bang hi a, mihaite ahihleh amauʼ haina mah in gimna thuaksak hi.

Sawltak 13:19

Pasian in Kanaan gam sungah minam sagih a suksiat khit ciangin kum za li le kum sawm nga sung bang ama mite a luahsak hi.

Joshua 14:2

Minam kua le a langte adingin Topa in Moses a thupiak bangin amauʼ gamhte aisanna tawh kipia hi.

Nehemiah 10:34

Tua ciangin thukham sunga a kigelh bangin a kiseh hunin a kumkumin Topa eiteʼ Pasianʼ biakna tau tungah cih dingin beh a banbanin i Pasianʼ biakinn sungah sing a kitut nadingin siampite, Levi mite le ko mi vekpite in sing pua ding sehna ai ka san uh hi.

Nehemiah 11:1

Tua ciangin Jerusalem ah mi makaite teeng uh hi. Tua lo midang teng, amauʼ lak pan mi sawm-ah-khat, khuapi siangtho Jerusalem ah a teeng ding aisanna tawh kiteel uh a, a om lai mi sawm ah kuate ahihleh khuapi dangte ah om uh hi.

Paunak 16:33

Mite in bangbangin ai a san zongin, a piang ding thu pen Topaʼ deihna bang bek hizaw hi.

Marka 6:30

Tua khit ciangin Jesu kiangah sawltakte hong ciahkik uh a, a sepna khempeuh uh le a thuhilhna khempeuh uh a zasak uh hi.

Sawltak 1:23

Tua ciangin amaute in Josef (min dang nih a nei, Barsabbas le Justas zong a kici pa) le Matthias a pulak uh hi.

Mangmuhna 21:14

Tua khuapi kulh pen kulh tawphah suang sawm le nih tungah a kiciang hi a, tua suangtawphahte tungah Tuuno sawltak sawm le nihteʼ min kigelh hi.