Sawltak 1:19 - Tedim Bible Revision 2017

¹⁹ Jerusalem khua sunga teeng mi khempeuh in hih thu za uh a, amauʼ pau-in tua lo pen ‘Akeldama,’ ci uh hi. Akeldama a khiatna in, ‘Mi Thahna Lo,’ a cihna ahi hi.)

Tedim Bible

¹⁹ Tua thute Jerusalem khua-ah mite in a zak uh ciangin amau kam in tua lo “Akeldama” ci uh a, tua in “Sisan’ Lo” a cihnopna hi).

Sawltak 1:19 Referans Kwoze

Sawltak 21:40

Galkap mangpa in zong thu a gen ding phal ahih manin kahlei cial tungah Paul dinga, mite a gamdaih nadingin a khut a van hi. Mite a gamdaih khit ciangin Paul in Hebru pau-in mite tungah thu gen a,

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Mattiu 28:15

Tua ahih manin galkapte in a sum sang uh a, a kisawl bangin a gamta uh hi. Tua ahih manin tu ni dongin Jew mite lakah tu-a bangin hih thu a kigengen lai ahi hi.

2 SAMUEL NIHNA 2:16

Tua ciangin alang ciat uh lutang lenin, a namsau tawh a lang pa dawt ciat uh hi. Tua ahih ciangin amaute tukkhawm uh hi. Tua ahih manin Gibeon ah a om tua mun pen Helkath-hazzurim kici hi.

Zekhariah 11:13

Tua ciangin Topa in kei kiangah, “Biakinn sumkoihna sungah tuate koih in,” hong ci hi. Tua ciangin kei zong, kei tawh kituakin tam a sak mahmah uh tua dangka sawm thum la-in biakinn sumkoihna sungah ka koih hi.

Mattiu 27:8

Tua ahih manin tu dongin tua lo pen, “Mi Thahna Lo,” a kici hi.