Sawltak 1:14 - Tedim Bible Revision 2017

¹⁴ Numeite, Jesuʼ nu Mary le Jesuʼ naute tawh thungen khawm dingin a kikhawm zelzel uh hi.

Tedim Bible

¹⁴ Tua mi khempeuhte in Zeisu’ nu Mari a kipan numeite leh Zeisu’ sanggamte tawh lungsim kikhatin thu a ngen niloh uh hi.

Sawltak 1:14 Referans Kwoze

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh adingin thu na ngetsak un.

Sawltak 6:4

Tua hileh kote in ka hun khempeuh uh thungetna le thuhilhna-in kong zang thei ding uh hi,” a ci uh hi.

Kolose 4:2

Lungsim takpi tawh thu ngen tawntung unla, kidawm kawmin lungdamna tawh thu ngen un.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an ne khawmin, thu zong a ngen khawm uh hi.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesu in a nungzuite kiangah thu gentehna khat gen a,

Mattiu 21:22

Upna na neih nak uh leh na nget peuhpeuh uh na ngah ding uh hi,” a ci hi.

Sawltak 2:1

Pentekos ni hong tun ciangin Jesu a um mi khempeuh mun khat ah kikhawm uh hi.

Luka 11:13

Note mihoih lo hi napi-in na tate uh tungah a hoih piak ding theithei na hih uh leh, vantung a om na Pa un a ngente tungah Kha Siangtho pia zaw kan ding hi lo ahi hiam?” a ci hi.

Sawltak 2:46

Nisimin biakinn ah kikhawm uh a, a innte uh ah an ne khawmin, lungdamna le kiniamkhiatna tawh a ne ciat uh hi.

Luka 24:53

Tua ciangin Pasian tungah lungdamna a ko dingin biakinn ah a pai tawntung uh hi.

Mattiu 12:46

Tua bangin mite kiangah thu genin a om laitakin a pua lamah a nu le a naute in Jesu hopih nuamin a om uh hi.

Luka 24:10

Sawltakte kiangah hih thu a gen numeite pen Magdala khuami Mary, Joanna, Jamesʼ nu Mary le numei dangte ahi uh hi.

Luka 23:55

Galilee gam panin a hong zui numeite in zong a kivuina ah zui uh ahih manin a han phual le a luang kisial zia khempeuh zong a mu uh hi.

Luka 23:49

Galilee gam panin Jesu a hong zui amah a thei ngei mite le numeite in gal et uh ahih manin a thupiang khempeuh a thei uh hi.

Marka 16:1

Sabbath ni a bei khit ciangin Magdala khuami Mary, James nu Mary le Salome-te in Jesuʼ luang a va zut nadingun paknamtui a va lei uh hi.

Marka 15:40

Jesu a gal et numei pawl khat zong a om hi. Tuate lakah Magdala khuami Mary, a nau zaw James le Josefʼ nu Mary le Salome ahi uh hi.

Mattiu 27:55

Galilee gam panin Jesu hong zui-in amah a huh, a gal et numei tampi zong a om hi.

Luka 24:33

Amau zong thakhatin ding pahin Jerusalem ah paikik uh a, nungzui sawm le khatte le a dangte na kikhawmin,

Luka 8:20

Tua ahih manin mi khat in Jesu kiangah, “Na nu le na naute in nang hong mu nuam uh a, inn pua ah om uh hi,” a ci hi.

1 KORIN MASA 14:13

Tua ahih manin pau lamdang a paute in, amau paute a khiatna a gen theih nading uh siamna a neih nadingun thu ngen ta uh hen.