Sawltak 1:11 - Tedim Bible Revision 2017

¹¹ “Galilee mite aw, bang hangin vantung lam enin ding niloh na hi uh hiam? Note kiang panin vantungah a kila to hih Jesu pen, vantungah a pai toh na muh uh bang teekteek mahin khatvei hong pai sukkik ding hi,” a ci uh hi.

Tedim Bible

¹¹ “Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

Sawltak 1:11 Referans Kwoze

Mangmuhna 1:7

En un, amah hong paita dinga, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

1 THESALONIKA MASA 4:16

Pasianʼ thupiakna awging lianpi, vantungmi mangpaʼ thugenna le Pasianʼ peengkul hong ging dinga, vantung panin Topa mahmah hong pai suk ding hi.

Marka 13:26

Tua ciangin Mihing Tapa, vangliatna le minthanna tawh meii lakah a hong pai suk kimu ding hi.

Johan 14:3

Kei va pai-in noteʼ om nading mun ka va bawl kholh khit ciangin keima omna munah note na hong om theih nadingun note a hong la dingin ka hong paikik ding hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Mattiu 24:30

Tua ciangin Mihing Tapaʼ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Mattiu 16:27

A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

1 THESALONIKA MASA 1:10

a hong tung ding Pasianʼ hehna panin eite a hong hon khia, sihna panin Pasian in a thawhsakkik a Tapa Jesu, van panin a hong pai ding ngak dingin milim paisanin Pasianʼ lamah na kiheina uh thute mi khempeuh in gen belin a nei uh hi.

Luka 21:27

Tua ciangin Mihing Tapa hong kilang dinga, minthanna le vangliatna tawh meii lakah hong pai ding hi.

Sawltak 13:31

Galilee gam le Jerusalem khua kikalah amah tawh khual a zinzin khawm ngei mite tungah tam veipi a mun tuamtuam ah na kilang hi.

Luka 24:5

Numeite lau mahmah uh ahih manin lei lam nga-in kuncip uh hi. Tua mi nihte in, “Bang hangin misite lakah mihing zong na hi uh hiam?

Sawltak 3:12

Peter in hih mite a muh ciangin amaute kiangah, “Ka mipih Israel mite aw, bang hangin hih thupiang lamdang sa a, bang hangin ko hong hici et na hi uh hiam? Hih mipa lam ka paisak theihna uh, komauʼ vang le komauʼ hoihna hang sa na hi uh hiam?

Sawltak 2:7

Amaute in hih thu lamdang sa mahmah uh ahih manin, “Hih thugen mite pen Galilee mi vive hi lo ahi hiam?

Marka 14:70

Ahi zongin Peter in nial leuleu hi. Tawl khat khit ciangin a gei-a omte in Peter kiangah, “Nang zong Galilee gam mi na hih manin huate khat na hi takpi hi,” a ci leuleu uh hi.

Mattiu 16:28

Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Sawltak 1:9

Hih thu a gen khit ciangin amauteʼ muh tangpi mahin vanah Jesu kila to a, meiipi in liah ahih manin amah mu thei nawn lo uh hi.

Sawltak 3:21

Pasian in ama kamsang mi siangthote tungtawnin tanglai-in a gen kholh sa bangin, na khempeuh a thakin a kibawl hun dong mateng vantungah Jesu a om ding ahi hi.

Hebru 9:28

mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.