Sawltak 1:1 - Tedim Bible Revision 2017

^1-2 Lawm Theofilas aw, Lai ka hong gelh masakna sungah Jesu in nasep a kipat tung a kipanin vantungah amah a kilaktoh hun ciang dong, a thuhilhna le a septe khempeuh cing takin ka gelh hi. Ama sawltak dingin a teel sa mite, Kha Siangtho tungtawnin thu a vaikhak khit ciangin vantungah amah kila to hi.

Tedim Bible

¹ Theofilas aw, Zeisu in ama teelsa sawltakte Kha Siangtho tawh a vaikhak khit ciangin,

Sawltak 1:1 Referans Kwoze

Luka 1:3

Kei zong, hih thute khempeuh a kipat cil a kipanin limtakin kantel khin ka hih manin, a thu a kizomzomin nang adingin hong gelhsak leng hoih ding hi, ci-in ka ngaihsun hi.

Luka 24:19

Tua ciangin Jesu in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesu tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna ah vang a nei mahmah khatin a ngaihsut uh ahi hi.

Luka 3:23

Nasep a kipat ciangin Jesu ama khan kum sawm thum bang a pha hi. Mite in ama pa Josef hi, ci-in a ngaihsun uh hi. Josefʼ pa Heli,

Mattiu 11:5

Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Luka 1:24

Tua khit ciangin a zi Elizabeth gai a, kha nga sung inn panin koi mahah a paikhia kei hi.

Luka 14:22

Tua khit a sawt loin a nasem pa in, ‘Topa aw, na cih bangin ka sam khin a, ahi zongin om nading mun om lai hi,’ a ci hi.