Ruth 4:4 - Tedim Bible Revision 2017

⁴ Tua ahih ciangin hih thu nang kiangah kong gen ding ngaihsunin, ‘Hih lai ah a tu miteʼ muhna le keima mi upateʼ muhna ah lei in,’ kong ci hi. Na tat ding leh tanh in; ahih hangin na tat kei ding leh, a thu ka theih nadingin kei kiangah hong gen in; bang hang hiam cih leh nang sim loh a tanh ding kuamah om lo ahih manin nang kiangah kong pai hi,” a ci hi.

Tedim Bible

⁴ Tua ahih ciangin hih thu nang kiangah kong gen ding ngaihsun in, ‘Hih lai-a a tu mite’ muhna leh keima mi upate’ muhna-ah lei in,’ kong ci hi. Na tat ding leh tan in; ahih hangin na tat kei ding leh, a thu ka theih nadingin kei kiangah hong gen in; bang hang hiam cih leh nang sim loh a tan ding kuamah om lo hi; tua ahih manin nang kiangah kong pai hi,” a ci hi. Tua ciangin amah in “Ka tan ding hi,” a ci hi.

Ruth 4:4 Referans Kwoze

Filippi 4:8

Sanggamte aw, a tawpna ah ka hong gen nop thu in, a hoih le a phat taak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai le a pahtakhuai thute ahi hi.

2 KORIN NIHNA 8:21

Bang hang hiam cih leh Topaʼ hoihsak ding bek hi loin mite in zong hoih a sak ding bangin na a sem nuam ka hi uh hi.

ROM (Romans) 12:17

Midangteʼ gitlohnate thukkik kei unla, mi khempeuh in hoih hi, ci-in a ngaihsut ding bangin gamta un.

Jeremiah 32:25

Ahih hangin Topa Pasian aw, hih khuapi Khaldea miteʼ khut sung a tung ding hi napi, nangmah in, “A hong theih pih ding mi sam inla, tua lo lei in,” ci-in nong sawl teitei hi,’ ci-in thu ka ngen hi,” a ci hi.

Piancilna 23:18

khuapi kulh kongpi ah a kikhawm mite khempeuhʼ mai, Hit miteʼ omna ah Abrahamʼ neih dingin kipia hi.

Piancilna 23:11

“Hi lo hi, ka topa aw, hong ngai in. Nangʼ tungah lo kong pia hi. Tua sunga leihawm zong nangʼ tungah kong pia hi. Ka mipihteʼ muhna ah nangʼ tungah kong pia hi. Na misi vui in,” a ci hi.

Thu-hilhkikna 25:8

Tua ciangin mipaʼ khuapi upate in amah samin thu genpih ding uh hi. Amah in, ‘Tua nu ka la nuam kei hi,’ a cih teitei leh,

Ruth 2:20

Tua ciangin Naomi in a monu kiangah, “A dikna in a site hitaleh a hingte hitaleh a mangngilh lo Topa in amah thupha pia tahen,” a ci hi. Naomi in ama kiangah, “Tua mipa pen i behte, i tanau nai pen khat ahi hi,” zong ci lai hi.

Ruth 3:9

Amah in, “Kua na hi hiam?” a ci hi. Tua nu in dawngin, “Keimah na nasem nu Ruth ka hi hi; tanaute na hih ciangin na nasem nu na puan hong zawn in,” a ci hi.

Ruth 3:12

Kei pen tanau nai ka hi mah hi; ahih hangin kei sangin a nai zaw tanau khat om lai hi.