Ruth 4:14 - Tedim Bible Revision 2017

¹⁴ Tua ciangin nupite in Naomi kiangah, “Tanau nei loin tu ni-in nang a hong omsak lo Topa in thupha ngah henla, Israel-teʼ sungah ama min thang tahen!

Tedim Bible

¹⁴ Tua ciangin nupite in Naomi kiangah, “Tanau nei loin tu ni-in hong om sak lo Topa in thupha ngah ta hen; Israelte sungah ama min thang ta hen!

Ruth 4:14 Referans Kwoze

Luka 1:58

Topa in amah a hehpih mahmahna thu a zak uh ciangin a veengte le a behte khempeuh in a lungdam pih uh hi.

1 KORIN MASA 12:26

Khat in natna ngah leh a vekpi-un thuak khawm uh a, khat in pahtakna ngah leh a vekpi-un lungdam khawm uh hi.

Piancilna 12:2

Minam lian in kong bawl dinga, thupha hong pia-in, na min liansak ding ka hih manin midangteʼ adingin thupha na hi ding hi.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

1 THESALONIKA MASA 5:18

bangbang hong piang taleh na lungdamna uh Pasian tungah ko tawntung un. Khris Jesu tawh kipawlin na nuntakna sung uh ah hih bangzia-in na om ding uh Pasian in a hong deih ahi hi.

ROM (Romans) 12:15

A lungdam mite lungdam pih unla, a dah mite dahpih un.

Piancilna 29:35

Amah gai leuleu-in tapa khat nei a, “Tuhunin Topa ka phat ding hi,” ci hi. Tua ahih ciangin amah in a min Judah a phuak hi. Tua ciangin a ta neih a tawp hi.

Piancilna 24:27

“Ka topaʼ tungah a itna kip le a thumanna a pelh lo, ka topa Abrahamʼ Pasian, Topa in thupha ngah tahen. Kei ka hih leh, ka topaʼ behteʼ inn zuatna lampi ah Topa in hong paipih hi,” a ci hi.