Ruth 4:11 - Tedim Bible Revision 2017

¹¹ Tua ciangin kulh kongpi a om mite khempeuh le upate in, “Kote, teci ka hi uh hi. Topa in Israel-teʼ pianna Rachel le Leah bangin na innkuan sunga hong pai numei bawl tahen. Efrathah ah na daupai henla, Bethlehem ah na min thang tahen.

Tedim Bible

¹¹ Tua ciangin kulh kongpi-a om mite khempeuh leh upate in, “Kote in teci ka hi uh hi. Topa in, Israelte’ innkuan a lamto khawm Rachel leh Leah bangin na innkuan sunga hong pai numei bawl ta hen. Efrathah-ah na dau pai hen la, Bethlehem ah na minthang ta hen;

Ruth 4:11 Referans Kwoze

Piancilna 29:32

Leah gai-in tapa khat nei a, amah in a min Reuben a phuak hi. Bang hang hiam cih leh amah in, “Topa in ka thuakna hong mu zo hi; tu-in ka pasal in kei hong it taktak ding hi,” a ci hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Late 132:6

Jaar gam sungah Thuciamna Singkuang ka mu uh hi, cihna thu thak Bethlehem ah kiza hi.

Ruth 1:2

Tua mipaʼ min Elimelek hi a, a ziʼ min Naomi hi-in, a tapa nihte min Mahlon le Khilion ahi hi. Amaute pen Judah gam Bethlehem a Efrathah mite ahi uh hi. Amaute Moab gamah pai-in tua lai ah om uh hi.

Thu-hilhkikna 25:9

upateʼ omin a sanggampaʼ zi ama kiangah pai to-in a khe panin a khedap kaih khiatsakin a maitang cilphih ding hi. Tua ciangin tua nu in, ‘A sanggampaʼ innkuan a zom to lo mipa hih bangin kibawl tahen,’ ci khia ding hi.

Piancilna 24:60

Amaute in Rebekah thupha pia-in ama kiangah, “Koteʼ sanggamnu aw, a tultul a thenthenteʼ nu hi ta in. Na suanlekhakte in amau a mudahteʼ khuapite luah ta uh hen!” a ci uh hi.

Paunak 14:1

Numei pilte in inn sung nuntakna khangsak a, numei haite in inn sung susia hi.

Piancilna 23:10

Tua laitakin Hit miteʼ lakah Efron zong a om ahi hi. Khuapi kulh kongpi ah a hong pai Hit mite khempeuhʼ zakna ah Hit mi Efron in Abraham dawng a,

Piancilna 29:25

A zingsang ciangin, Leah na hi mawk hi. Jakob in Laban kiangah, “Bangci a kei hong hici bawl na hi hiam? Rachel ngah nadingin na na hong sem hi lo ka hi hiam? Tua ahihleh bang hangin kei hong khem na hi hiam?” a ci hi.

Paunak 31:23

Thukhen upate lakah a pasal a tut ciangin miteʼ lakah a kithei kim mi khat ahi hi.

Piancilna 29:16

Tu-in Laban in tanu nih nei hi. A u zawʼ min Leah hi a, a nau zawʼ min Rachel ahi hi.

Piancilna 35:23

Leahʼ tapate: Reuben (Jakobʼ ta u pen), Simeon, Levi, Judah, Issakhar le Zebulun ahi hi.

Piancilna 35:24

Rachelʼ tapate: Josef le Benjamin ahi hi.

Thu-hilhkikna 25:7

Mipa in a sanggampaʼ zi a lak nop kei leh, upate kiang kongpi ah a sanggampaʼ zi pai dinga, ‘Ka pasalʼ sanggampa in a sanggampaʼ min Israel sungah a zop ding ut lo a, pasalʼ sanggampaʼ nasep kei tungah hong sem nuam lo hi,’ ci ding hi.

1 KUMPI MASATE 21:8

Tua ahih ciangin amah in Ahabʼ minin laikhakte gelhin ama min gelhna tawh tua laite tungah gelh a, ama khuapi sungah Naboth tawh a teeng upate le uliante tungah tua laite a khak hi.

1 KHANG TANGTHU MASATE 2:51

Bethlehem khuapi a sat Shalma le Beth-gader khuapi a sat Haref ahi uh hi.

Jeremiah 32:10

Thukimna lai bawlin, min gelhin, gip khenin, a hong theih pih ding mite zong ka sap khit ciangin tawi khaina ah sum ka teh hi.