Ruth 4:10 - Tedim Bible Revision 2017

¹⁰ A siteʼ min ama sanggamte le a pianna a khua sung panin a maiman loh nadingin ama gamhluahna ah a siteʼ min a kizop theih nadingin a si khin Mahlonʼ zi, Moab numei Ruth zong ka zi dingin ka lei khin hi; note pen tu ni-in teci na hi uh hi,” a ci hi.

Tedim Bible

¹⁰ A site’ min ama sanggamte leh a pian’na a khua sung panin a maiman’ loh nadingin ama gamhluahna-ah a site min a kizop theih nadingin a si khin Mahlon’ zi, Moab numei Ruth zong ka zi dingin ka lei khin hi; note in tu ni-in teci na hi uh hi,” a ci hi.

Ruth 4:10 Referans Kwoze

Thu-hilhkikna 25:6

Ama min Israel tungah a maiman loh nadingin tua nu in a neih masak a tapa pen a si sa a pasalʼ ta-in kiseh ding hi.

Efesa 5:25

Pasalte aw, Khris in pawlpi itin a pumpi a piak mah bangin na zite uh na it un.

Hebru 13:4

Mi khempeuh in nupa thu thupi ngaihsut uh henla, zite pen pasalte tungah citakin, pasalte zong a zite uh tungah citak uh hen. Pasian in a thaangtat mite le nulepa mawhna a gamta mite tungah thu khen ding hi.

Malakhi 2:14

Bang hangin hong sang lo hiam, na ci uh hi. Na khangno lai uh a na teenpih na zite uh tungah na cihtak lohna uh amah in hong thei a, na zite uh tungah na cihtak tawntungna ding uh Pasian tungah thu ciamin, na zite uh zong na lawmnu mah uh hi napi-in amaute tawh na thuciamna uh na pelhna hang uh ahi hi.

Zekhariah 13:2

Tua ni ciangin gam sung panin milim khempeuh ka phiatsiang dinga, kuamah in a milim min nangawn uh phawk kha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Hosea 12:12

Aram gamah Jakob tai a, Israel in tua lai ah zi khat thalawhin na sem a, zi thalawhna-in tuu a cing hi.

Hosea 3:2

Tua ahih ciangin ngun shekel sawm le nga le mangbuhham seu sawm le nga tawh zi lei-in

Isaiah 48:19

Na tu le na tate sehnel zah pha dinga, na suanlekhakte sehnel vui zah pha ding hi. Keima mai ah amauteʼ min kiphiat khia lo dinga, kisusia ngei lo ding hi, a ci hi.

Paunak 19:14

Inn le neihsate pen pateʼ tung panin a kiluah hi a, zi pil ahihleh Topa bek in hong pia thei hi.

Paunak 18:22

Zi a mu zote na hoih a mu hi a, Topaʼ maipha a ngah ahi hi.

Late 109:15

Topaʼ mai ah tua mawhnate omsak inla, leitung panin amah a kiphawkna bei tahen.

Late 34:16

Siatna a bawl mite hih leitung panin a kiphawkna a kisuk tat nadingin Topa in amaute a langpang hi.

Joshua 7:9

Bang hang hiam cih leh Kanaan mite le hih gam a teeng mi khempeuh in hih thu za ding uh a, kote hong umcihin leitung panin kote hong phiat khia mang ding uh hi. Tua ciangin a lian mahmah nangma min bang cih ding na hi hiam?” a ci hi.

Piancilna 29:27

Hih nu adingin nipikal khat sung pawi beisak phot inla, a dang kum sagih ka na nong sepsak thamanin a khat pen zong kong pia ding hi,” a ci hi.

Ruth 4:9

Tua ciangin Boaz in upate le mi khempeuh kiangah, “Tu ni-in note pen Naomiʼ tung panin Elimelek le Khilion le Mahlonʼ neihsa khempeuh ka lei khitna thu teci na hi uh hi.

Piancilna 38:9

Ahih hangin Onan in tate pen ama aʼ ahih loh ding thei hi. Tua ahih ciangin a sanggampaʼ zi tawh a lup khop ciangin a sanggampaʼ tungah ta pia kha ding ahih manin a natui leilak ah buasak hi.