Ruth 3:7 - Tedim Bible Revision 2017

⁷ Boaz in a nek a dawn khit ciangin a lung nuam a, anphual nawl ah lum dingin a pai hi. Tua ciangin dam takin numei hong pai-in a khe lam puan leem sakin a lum suk hi.

Tedim Bible

⁷ Boaz in a nek a dawn khit ciangin a lungnuam a, anphual nawl-ah lum dingin pai hi. Tua ciangin dam takin numei hong pai-in a khe lam puan leemsakin lumsuk hi.

Ruth 3:7 Referans Kwoze

Esther 1:10

A ni sagih ni, zunekna hangin a lung a nop ciangin kumpipa in ama na a sem innsung maang sagihte Mehuman, Biztha, Harbona, Bigtha, Abagtha, Zethar le Karkas-te sam a, mite le uliante mai ah Kumpinu Vashti a melhoihna a lah theih nadingin a kumpi lukhu khusa-in ama kiangah a paipih nadingun a sawl hi; bang hang hiam cih leh tua nu a mel a hoih takpi mah ahi hi.

Thukhente 19:6

Tua ahih ciangin tua mi nihte tukhawmin an ne-in tui dawn uh hi. A sungpa in a makpa kiangah, “Tu zan taam ding lungkim hoh inla, na lung nuamsak in,” a ci hi.

2 SAMUEL NIHNA 13:28

Tua ciangin Absalom in a nasemte thu pia a, “Amnon in zu a kham hun phawk unla, note kiangah, ‘Amnon sat un,’ kong cih ciangin amah that un. Lau kei un; note thu hong pia khin hi lo ka hi hiam? Hang unla, thahat un,” a ci hi.

Thukhente 19:9

Mipa le a zineu le a nasem pa a paikhia dingin a din uh ciangin a sungpa in, “En in, tu-in nitak nai-in ni niam ta hi; tu zan taam un. En in, ni tum dektak hi. Hih lai ah giak inla, na lung nuamsak in. Zing ciang zingsangin tho baihin inn ah na ciah ding uh hi,” a ci hi.

Thuhilh-sia 10:19

An in lungdamsak a, zu in lung nuamsak hi. Sum in ahihleh na khempeuh a kicingsak hi.

Thuhilh-sia 9:7

An ne-in lungdam inla, zu ne-in lungnuam in. Na gamtatna peuhpeuh Pasian in hoih a sa hi.

Thuhilh-sia 8:15

Tua ahih ciangin mihing in hih leitungah nuam a sak theih ding a dang om lo ahih manin an ne tui dawnin nuamsa-in a om ding bek ahi hi. Pasian in hih leitungah nuntak a piak sungteng a sep thaman a ngah theih ding hih bek om hi.

Thuhilh-sia 2:24

Mihing khat in a nasepna thamanin an ne tui dawnin nuamsa-in a om sangin a hoih zaw bangmah dang om lo hi. Ahi zongin tua nangawn zong, Pasianʼ hang ahihna ka phawk hi.

Late 104:15

mihing lungsim a nuamsak ding leenggahzu, mihing maitang a zolsak ding sathau, mihing lungsim a hatsak ding an na piangsak hi.

1 KORIN MASA 10:31

Tua ahih manin keimah in ka hong gen nop thu in: Na hihna khempeuh uh, nekna dawnna ah ahi zongin Pasianʼ minthan nadingin na hih un.

1 KUMPI MASATE 21:7

Tua ciangin a zi Jezebel in, “Tu laitakin Israel mite a ukpa hi lo na hi hiam? Tho-in an ne inla, na lungsim nuamsak in. Keimah in Jezreel khuami Nabothʼ leenggui lo nangma tungah kong pia ding hi,” a ci hi.

Thukhente 19:22

Amaute in a lung uh nuamsakin a om laitakun, tua khuapi mi, migina lote in tua inn kimkot ah pangin a kongkhak tum gawp uh hi. Amaute in inn nei puteekpa kiangah, “Ama taw ka luk theih nadingun na inn ah a hong tung mipa hong paikhiatpih in,” a ci uh hi.

Thukhente 16:25

A lungsim uh a nop ciangin amaute in, “Eite adingin a kimawl theih nadingin Samson sam un,” a ci uh hi. Tua ahih ciangin amaute in thong panin Samson sam khia-in amauʼ mai ah mawlpih uh hi. Khuampite kikalah amah kidingsak hi.

Piancilna 43:34

Josefʼ sabuai tung panin amauʼ tanh ciat kipia-in, ahih hangin Benjaminʼ tanh pen amaute-aʼ zah nga pha hi. Tua ahih ciangin amaute in an ne tui dawnin amah tawh lungdam uh hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin om zaw un.

Ruth 3:6

Tua ahih ciangin ancilna ah amah pai sukin a teeknu in ama kiangah a gen sa bang teekteekin a gamta hi.

Ruth 3:8

Zankim ciangin mipa a kihei ciangin a khe ah numei khat na lum hi.