Ruth 2:4 - Tedim Bible Revision 2017

⁴ Boaz zong Bethlehem panin hong kuanin amah in anlate kiangah, “Topa in note hong ompih tahen!” a ci hi. Amaute in dawngin, “Topa in nang thupha hong pia tahen,” a ci uh hi.

Tedim Bible

⁴ En in, Boaz in Bethlehem panin hong pai hi; amah in an late kiangah, “Topa in note hong ompih ta hen!” a ci hi. Amaute in dawngin, “Topa in nang thupha hong pia ta hen!” a ci uh hi.

Ruth 2:4 Referans Kwoze

2 THESALONIKA NIHNA 3:16

Eite tungah nopsakna a hong pia thei Topa in note tungah a tawntungin nopsakna hong pia henla, amah in note khempeuh hong ompih tahen.

Luka 1:28

Vantungmi in Mary kiangah, “Na lungdam mahmah ding ahi hi. Topa in nang hong ompih a, thupha lianpi hong pia zo hi,” a ci hi.

Thukhente 6:12

Topaʼ vantungmi ama tungah kilangin ama kiangah, “Topa in nang hong ompih hi, a thahat a vanglian mipa aw,” a ci hi.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

Late 118:26

Topaʼ min tawh hong pai pa in thupha ngah tahen. Topaʼ inn panin nang kong phat uh hi.

Ruth 4:11

Tua ciangin kulh kongpi a om mite khempeuh le upate in, “Kote, teci ka hi uh hi. Topa in Israel-teʼ pianna Rachel le Leah bangin na innkuan sunga hong pai numei bawl tahen. Efrathah ah na daupai henla, Bethlehem ah na min thang tahen.

Joshua 24:15

Topaʼ na na sepnop kei uh leh, Gun gal khat a, a na na sepsak uh na pu na pate uh pasian ahi a, noteʼ teenna gam Amor miteʼ pasian ahi zongin, a na na sepsak ding peuhpeuh uh tu ni-in teel un. Ahih hangin kei le ka innkuanpihte in ka hih uh leh Topaʼ na ka sem ding uh hi,” a ci hi.

Piancilna 18:19

Im kei ning. Bang hang hiam cih leh Topa in Abrahamʼ tunga a ciam sa thu a tunsak theih nadingin ama khit a a tate le a innkuanpihte in thuman le thutangin nasepna tawh Topaʼ thupiakte a zuih theih nadingun a hilh dingin amah ka teel khin hi,” a ci hi.

1 TIMOTI MASA 6:2

Thu um mi to-in a nei silate in upna sungah sanggam khat hi hang, ci-in ngaihsutna tawh a tote uh zahtak bawl loin om kha kei uh hen. Amauteʼ nasepna hangin hamphatna a ngah mite pen thu um mi le a it uh mite ahih manin a hoih zaw-in a sepsak ding uh a kilawm zaw ahi hi. Tu-a kong gen ding thute mi khempeuh tungah hilhin gen in.

Ruth 2:3

Tua ahih ciangin amah kuan khia-in pai a, anlateʼ nung lo sungah ansangte a tawm hi. Elimelek-te innkuan Boazʼ lo ah va kuan kha hi.

Ruth 2:5

Tua ciangin Boaz in anlate a uk a nasem pa kiangah, “Hih ka muh ngei loh numei kuaʼ ta ahi hiam?” a ci hi.

Piancilna 28:3

Nang, mihonpi khat na suah theih nadingin Vanglian Pasian in nang thupha hong pia-in, hong pungsakin, tampi hong phasak hen.

Gamlak-vakna 6:24

Topa in note thupha hong pia-in hong kem tahen.

Thukhente 6:16

Topa in ama kiangah, “Nang kong ompih dinga, nangmah in mihing khat bang lelin Midian-te na vat gawp ding hi,” a ci hi.

1 SAMUEL MASA 17:37

Tua ciangin David in, “Humpinelkai khecin le vom khecin panin kei a hong hon khia Topa in hih Filistia-paʼ khut sung panin zong kei hong hon khia ding hi,” ci thuah lai hi. Tua ciangin Saul in David kiangah, “Pai in; Topa in nang hong ompih tahen!” a ci hi.

1 KHANG TANGTHU MASATE 2:51

Bethlehem khuapi a sat Shalma le Beth-gader khuapi a sat Haref ahi uh hi.

Late 134:3

Vanlelei a bawl Topa in Zion panin note tungah thupha hong pia tahen.

Jeremiah 31:23

Vanglian Topa, Israel miteʼ Pasian in hong genin ah: “Keimah in amaute a gam uh ah ka omsakkik ciangin, Judah gam le a khuapite uh ah amaute in, ‘Thuman thutak a teenna mual siangtho aw, Topa in thupha hong pia tahen,’ ci-in a genkik leuleu ding uh hi.