Ruth 2:20 - Tedim Bible Revision 2017

²⁰ Tua ciangin Naomi in a monu kiangah, “A dikna in a site hitaleh a hingte hitaleh a mangngilh lo Topa in amah thupha pia tahen,” a ci hi. Naomi in ama kiangah, “Tua mipa pen i behte, i tanau nai pen khat ahi hi,” zong ci lai hi.

Tedim Bible

²⁰ Tua ciangin Naomi in a monu kiangah, “A dikna in a hingte hita leh, a site hita leh a mangngilh lo Topa in amah thupha pia ta hen!” a ci hi. Naomi in ama kiangah, “Tua mipa in i behte, i tanau naipente khat ahi hi,” zong ci hi.

Ruth 2:20 Referans Kwoze

2 SAMUEL NIHNA 2:5

Jabesh-gilead mite kiangah David in kamtaite sawlin amaute kiangah, “Note in na topa uh Saul tungah thumanna lakin amah vui na hih manun Topa in note thupha hong pia tahen!

Paunak 17:17

Lawm citak in a tawntungin hong it a, i sanggamte pen i lungkhamna a hong thuakpih dingin a piang ahi hi.

Siampi Laibu 25:25

Na sanggampa zawngin a neihsa leitang khen khat a zuak leh, amah tawh a kinai a behpa hong pai-in a sanggampaʼ zuak sa tanh ding hi.

Filippi 4:10

Topaʼ hangin ka lungdamna lian mahmah hi. Hun sau veipi khit ciangin kei na hong phawkna uh na hong langsakkik thei uh hi. Kei hong kin loin omngei uh teh, a ci ka hi kei a, na hong kinna uh na hong lah nading uh hun om thei lo, ka cihna ahi hi.

JOB (Job) 19:25

“Ahi zongin a tawpna ah kei hong panpih ding a nungta tawntung khat vantungah a omna thu ka thei hi.

2 SAMUEL NIHNA 9:1

Tua ciangin David in, “Jonathanʼ hangin ama tungah migitna ka lah theih nadingin Saulʼ innkuan sungah mi khatpeuh a om lai hiam?” a ci hi.

Ruth 4:14

Tua ciangin nupite in Naomi kiangah, “Tanau nei loin tu ni-in nang a hong omsak lo Topa in thupha ngah henla, Israel-teʼ sungah ama min thang tahen!

Ruth 4:6

Tua ciangin a tanau pa in, “Keima gamhluah siasak kha ding ka hih manin keima adingin ka tanh thei kei ding hi. Keimah in tanh thei lo ka hih ciangin keima tat theihna thu nangmah in tang in,” a ci hi.

Ruth 2:21

Tua ciangin Moab numei Ruth in, “Tu-a banah amah in kei kiangah, ‘Ka an khempeuh a lak khit matengun ka nasemteʼ kiang nai ah om in,’ hong ci hi,” a ci hi.

Ruth 3:12

Kei pen tanau nai ka hi mah hi; ahih hangin kei sangin a nai zaw tanau khat om lai hi.

Ruth 4:4

Tua ahih ciangin hih thu nang kiangah kong gen ding ngaihsunin, ‘Hih lai ah a tu miteʼ muhna le keima mi upateʼ muhna ah lei in,’ kong ci hi. Na tat ding leh tanh in; ahih hangin na tat kei ding leh, a thu ka theih nadingin kei kiangah hong gen in; bang hang hiam cih leh nang sim loh a tanh ding kuamah om lo ahih manin nang kiangah kong pai hi,” a ci hi.