Ruth 2:13 - Tedim Bible Revision 2017

¹³ Tua ciangin Ruth in, “Ka topa aw, kei tungah nong dik mahmah hi; bang hang hiam cih leh kei pen na nasem numeite hi lo napi-in na nasem nuʼ tungah migitna kam nong pau hi,” a ci hi.

Tedim Bible

¹³ Tua ciangin numei in, “Ka topa aw, kei tungah nong dik mahmah hi; bang hang hiam cih leh keimah in na nasem numeite hilo napi-in na nasemnu tungah migitna kam nong pau hi,” a ci hi.

Ruth 2:13 Referans Kwoze

1 SAMUEL MASA 1:18

Tua ciangin numei in, “Nangma mitah na nasem nu maipha hong musak in,” a ci hi. Tua ciangin tua numei pai-in an ne a, dahmai pua nawn lo hi.

Piancilna 34:3

Amah in Jakobʼ tanu Dinah hoih sa mahmah ahih manin itin kam khum takin hopih hi.

Piancilna 33:8

Esau in, “Ka kituah pih hih a honte khempeuh bang na cihnopna ahi hiam?” a ci hi. Jakob in dawngin, “Ka topaʼ maipha zon nading,” a ci hi.

Filippi 2:3

Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsut zaw un.

2 SAMUEL NIHNA 16:4

Tua ciangin kumpipa in Ziba kiangah, “En in, Mefiboshethʼ neihsa khempeuh tu-in nangma aʼ ahi hi,” a ci hi. Tua ciangin Ziba in, “Kei, nangma nasem pa ka hi hi; ka to kumpipaʼ muhna ah maipha hong musak tawntung in,” a ci hi.

1 SAMUEL MASA 25:41

Tua ciangin amah dingin lei ah mai kun a, “En un, na nasem nu uh ka topaʼ nasemteʼ khe a silsak ding nasem ahi hi,” a ci hi.

Piancilna 43:14

Amah in na sanggampa uh le Benjamin hong ciahsakkik theih nadingin Vanglian Pasian in mipaʼ mai ah note hehpihna hong pia tahen. Ka tate tawh ka kikhen leh a kikhen ka hi ding hi,” a ci hi.

Piancilna 33:15

Tua ahih ciangin Esau in, “Kei tawh a om mite pawl khat, nangʼ kiangah hong nusia ning,” a ci hi. Ahih hangin amah in, “A kisapna bang om ahi hiam? Ka topaʼ muhna ah kei maipha hong ngahsak in,” a ci hi.

Piancilna 33:10

Jakob in, “Hi lo hi, nangʼ tungah hong thum ing. Na muhna ah maipha ngah ka hih leh ka khut sung panin ka letsongte hong sang in. Bang hang hiam cih leh hih banga maipha tawh kei nong sanna, na maitang ka muh ding pen Pasianʼ maitang muh tawh kibang taktak hi.

Paunak 15:33

Topa zahtakna pen pilna mah hi pah a, kiniamkhiatna in pahtawina hong ngahsak hi.

Thukhente 19:3

Tua ciangin a pasal ding khia-in kam nem tawh a hopih ding le a ciah pihkik dingin tua nuʼ nungah a pai hi. Amah in a nasem pa le a la nih tonpih hi. A sungpaʼ inn ah tunga, a sungpa in amah a muh ciangin lungdamna tawh a dawn dingin hong pai hi.

Ruth 2:12

Topa in na gamtatna sate a pha tawh hong thuk a, a liim nuai beel dinga na paina Israel-teʼ Pasian, Topa in thaman a cingin hong pia ding hi,” a ci hi.

Ruth 2:14

Annek hun ciangin Boaz in tua nu kiangah, “Hih lai ah hong pai in; anlum ne inla, leenggahzu sungah na an diah in,” a ci hi. Tua ahih ciangin anlate gei ah amah tu a, tua pa in ankante tua nu a pia hi. Amah in a kham mateng ne a, a khamval zong pawl khat om lai hi.

Piancilna 32:6

Kamtaite, Jakob kiangah hong ciahkik uh a, “Na sanggampa Esau kiangah ka va pai uh hi. Nangmah a dawn dingin amah hong pai a, amah tawh mihing za li om hi,” ci-in hong gen uh hi.

Hosea 2:16

Tua ciangin kei pen, ka pasal, hong cikik dinga, kei pen, ka Baal pasian, hong ci nawn lo ding hi.