Biblia Todo Logo
Bib sou entènèt

- Piblisite -




Ruth 2:12 - Tedim Bible Revision 2017

12 Topa in na gamtatna sate a pha tawh hong thuk a, a liim nuai beel dinga na paina Israel-teʼ Pasian, Topa in thaman a cingin hong pia ding hi,” a ci hi.

Gade chapit la Kopi

Tedim Bible

12 Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.

Gade chapit la Kopi




Ruth 2:12
29 Referans Kwoze  

Pasian aw, na itna kip manpha mahmah hi. Mihing tate na kha liim ah bu uh hi.


Amah in a khate tawh nang hong tuam dinga, ama khateʼ nuai ah bukna ding na mu ding hi. Ama thumanna in nang hong dalin hong hu ding hi.


Bang hang hiam cih leh kei a hong huhpa na hi a, nangma hutna sungah lungdamin la ka sa hi.


Kei a hong su gawp migilo, kei a hong umcih a kihtakhuai mahmah ka galte kiang panin mitnauta bangin hong kem inla, na kha liim ah hong seel in.


Na buk sungah hong omsak tawntung inla, nangma khateʼ hutna sungah lungmuangin hong omsak in.


Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.


Mai lamah a thaman ding mukhol thei ahih manin Egypt gam sunga hauhna le nopsaknate khempeuh sangin Khris hangin simmawhna thuak taak zaw tham hi, ci-in a ngaihsun hi.


Bang hang hiam cih leh mi khatpeuh in a galpa mu leh amah in a suakta-in a galpa pai khiasak ding ahi hiam? Tua ahih ciangin tu ni-in kei tungah nong bawlna hangin Topa in a hoih tawh nang thaman hong pia tahen.


Ahih hangin Ruth in, “Nang kong nusiat nading ahi a, nang zuihna panin ka ciahkik nading ahi zongin hong cici nawn kei in; bang hang hiam cih leh na paina ah ka pai dinga, na giahna ah ka giak ding hi. Na mite keima mite hi dinga, na Pasian keima Pasian hi ding hi.


Kei hong hehpih in Pasian aw, nang hong bel ka hih manin kei hong hehpih in. Siatna huihpi a ven mateng na kha liim ah kong bu ding hi.


Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.


Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian dinga, a Lianpen Pasianʼ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.


“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.


Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.


Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.


Topa in tua Ni ciangin ama tungah hehpihna thupha pia tahen. Efesa khua ah ka om lai-in nakpi takin kei a hong huhnate khempeuh na theih sa ahi hi.


“Biakna tawh kizomin na hoih khat peuhpeuh na sep uh ciangin miteʼ phat ding deihna tawh a kilang theithei dingin na sep khak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.


Tua bang hi lecin lametna om a, cithei-in na khansau ding hi.


Migilote in a man nei taktak bangmah ngah lo a, thumanin a gamtate in peel loin thaman hoih a ngah hi.


Mite in, “Thuman mi ading noptuamna om taktak a, leitung thu a khen Pasian khat om taktak hi,” ci ding uh hi.


Tua tham loin tuateʼ hangin a nasem pa in thuphawkna ngah a, tuate zuihna ah noptuamna lian a om hi.


Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn miteʼ khem sa-in ta kei un. Tua bang mite pen amauʼ ngaihsut tawmna tawh a kihisak mawk hi a,


Ahih hangin Boaz in tua nu dawngin, “Na pasal a sih khit a kipan na teeknu adingin na sepnate khempeuh le na nu le na pa le na pianna gam nusia-in cikmahin na theih ngei loh mite kiangah na paina thu a kicing takin kei kiangah hong kigen zo hi.


Tua ciangin Ruth in, “Ka topa aw, kei tungah nong dik mahmah hi; bang hang hiam cih leh kei pen na nasem numeite hi lo napi-in na nasem nuʼ tungah migitna kam nong pau hi,” a ci hi.


Amah pen nang adingin na nuntakna a hong piakik le na khanghamna ah hong vak pa hi ding hi; bang hang hiam cih leh, tapa sagih sangin a thupi zaw, nangmah hong it na monuʼ neih tapa ahi hi,” a ci uh hi.


Topa in kong cih in ah: “Kap nawn kei unla, na khitui uh nul un. Bang hang hiam cih leh Topa in kong cih in ah, na nasep thaman uh na ngah uh hi. Amaute galteʼ gam panin hong ciahkik ding uh hi.


Tu-in en in, kumpi na hih taktak ding ka thei hi. Israel kumpi gam nangma khut sungah a kip ding hi.


Swiv nou:

Piblisite


Piblisite