Ruth 1:21 - Tedim Bible Revision 2017

²¹ A dimin ka paikhia a, Topa in a hawmin hong ciah pihkik hi. Topa in kei hong gimsakin, Vanglian pa in kei tungah gimna hong tungsak ahih ciangin bang hangin Naomi hong ci lai na hi uh hiam?” a ci hi.

Tedim Bible

²¹ A dim-in ka paikhia a, Topa in a hawmin hong ciahpih kik hi. Topa in kei hong gim sakin Vanglianpa in kei tungah gimna hong tungsak ahih ciangin bang hangin Naomi hong ci lai na hi uh hiam?” a ci hi.

Ruth 1:21 Referans Kwoze

JOB (Job) 1:21

Tua ciangin amah in, “Ka nu sung panin guaktangin ka suak a, guaktang mahin ka ciahkik ding hi. Topa in hong pia a, Topa mah in hong lakik hi. Topaʼ min kiphat tahen,” a ci hi.

JOB (Job) 16:8

Kei na hong mancip a, keima gal na suak hi. Ka vun guak le ka guh guak bekin ka om a, keima mawhna a kilatna-in mite in a ngaihsun uh hi.

JOB (Job) 13:26

“Nangmah in kei tungah thusiapi nong zong a, ka neu lai huna ka gamtatna nangawn tawh nong mawhsak hi.

JOB (Job) 10:17

Kei a hong langpang dingin teci na nei tawntung a, keima tungah na hehna hong khang semsem a, kei nong sukna ding thu thak na mu tawntung hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

JOB (Job) 30:11

Pasian in hong zawngkhalsak, hong cimawhsak ahih manin amaute in a ututun kei hong bawlsia uh hi.

Ruth 1:13

amaute a khan khit dong ngak zo ding na hi uh hiam? Hi lo hi, ka tanute aw, Topa in kei hong bawlsia ahih manin note sangin nakpi takin kei ka lunggim zaw hi,” a ci hi.