Ruth 1:16 - Tedim Bible Revision 2017

¹⁶ Ahih hangin Ruth in, “Nang kong nusiat nading ahi a, nang zuihna panin ka ciahkik nading ahi zongin hong cici nawn kei in; bang hang hiam cih leh na paina ah ka pai dinga, na giahna ah ka giak ding hi. Na mite keima mite hi dinga, na Pasian keima Pasian hi ding hi.

Tedim Bible

¹⁶ Ahih hangin Ruth in, “Nang kong nusiat nading ahi a, nang zuihna pan ka ciahkik nading ahi zongin hong cici kei in; bang hang hiam cih leh na paina-ah ka pai ding a, na giahna-ah ka giak ding hi; na mite in keima mite hi ding a, na Pasian in keima Pasian hi ding hi;

Ruth 1:16 Referans Kwoze

2 SAMUEL NIHNA 15:21

Ahih hangin Ittai in kumpipa dawngin, “Topa nungta-in, ka to kumpipa zong nungta ahih mah bangin, sih nading ahi a, hin nading ahi zongin ka to kumpipa a omna peuhpeuh ah na nasem pa om ding hi,” a ci hi.

Late 45:10

Tanu aw, ngai dih in; ngaihsun inla, na bil hong ngat in. Na mite le na behte mangngilh in.

Mattiu 8:19

Tua laitakin Thukham hilh siate khat in ama kiangah, “Sia aw, na paina peuhpeuh ah ka hong zui ding hi,” a cih leh

Johan 13:37

Peter in, “Bang hangin tu-in hong zui thei lo ding ka hi hiam? Nang ka hong sihpih ding hi,” a cih ciangin

1 THESALONIKA MASA 1:9

Note kiangah ka hong pai lai-un kote na hong limbawlna thu uh le a nungta a man Pasianʼ thu zui-in a bia ding le,

Isaiah 14:1

Topa in Jakob hehpihin Israel teelkik dinga, amaute pen a gam uh ah koihkik ding hi. Khual mite in amaute pawlin Jakob innkuan bel ding uh hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua ah khihcipna a thuak ding bek hi loin, Topa Jesu hangin a si ding ciang dongin a kithawi sa ka hi hi,” ci-in a hong dawng hi.

Hosea 13:4

Kei pen Egypt gam panin note a hong paikhiatpih noteʼ Topa Pasian ka hi hi. Tua hun lai-in kei sim loh Pasian dang na thei kei uh a, note a hong hon khia pa kei bek ka hi hi.

Daniel 2:47

Kumpipa in, “Hih thuthukpi hong gen thei na hih manin na Pasian pen thuthuk a lak, pasian khempeuh sung pan a lian pen, kumpiteʼ tunga Topa ahi hi,” a ci hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.

Joshua 24:18

Topa in eiteʼ mai ah tua gam a teeng Amor mite khempeuh hawl khia hi. Tua ahih ciangin amah pen eiteʼ Pasian ahih manin kote in zong Topaʼ na ka sem ding uh hi,” a ci uh hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Daniel 3:29

“Tu-in minamkimte, minam tuamtuamte, pau nam tuamtuamte, mi khat peuhpeuh in Shadrak, Meshak le Abednego-teʼ Pasian gensiatna kampau a om leh kibalnen gawp dinga, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Ruth 1:15

Tua ciangin amah in, “En in, na sanggamnu a mipihte le a pasian-te kiangah ciahkik khin hi. Na sanggamnuʼ nungah nang zong ciah in,” a ci hi.

Ruth 1:17

Na sihna ah si-in ka kivui ding hi. Sihna cih loh buang thudang hangin kong nusiat taak leh Topa in kei hong dawm kei tahen,” a ci hi.

Ruth 4:15

Amah pen nang adingin na nuntakna a hong piakik le na khanghamna ah hong vak pa hi ding hi; bang hang hiam cih leh, tapa sagih sangin a thupi zaw, nangmah hong it na monuʼ neih tapa ahi hi,” a ci uh hi.

Paunak 17:17

Lawm citak in a tawntungin hong it a, i sanggamte pen i lungkhamna a hong thuakpih dingin a piang ahi hi.

Ruth 2:6

Tua ciangin anlate a uk nasem pa in dawngin, “Moab gam panin Naomi tawh a hong ciahkik Moab numei ahi hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.