Paunak 9:8 - Tedim Bible Revision 2017

⁸ Mihaite thuhilh kei in; hong mudah ding uh hi. Mipilte thuhilh in; hong it ding uh hi.

Tedim Bible

⁸ Mihaite thuhilh kei in, hong mudah ding hi. Mipilte thuhilh in, hong it ding hi.

Paunak 9:8 Referans Kwoze

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amauʼ gitloh gamtatnate nakpi takin langpangin thu ka ngenngen hi.

Paunak 13:18

Thukihilhna a zui lo mi in zawnna le mindaina ngah a, thukihilhna a zui mi in minphatna le pahtawina a ngah hi.

Paunak 23:9

Mihaite pil hopih kei un; amaute in a manphatna phawk thei lo uh hi.

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Mattiu 7:6

“Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Paunak 29:1

Kihilh napi-in a mang nuam lote bawl phat zawh nawn loh dongin kisia ding uh hi.

Paunak 28:23

Mi khat tai-in thuhilh lecin tungtham a phatna sangin a tawpna ah lungdam zaw ding hi.

Siampi Laibu 19:17

“Note in na lungsim sung uh ah na sanggampa uh na mudah kei ding uh a, na veengte uh tawh thu na kituah lohna uh kikum khawmin na siangsak ding uh hi; tua hikeileh ama hangin khialhna na pua ding uh hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

1 KUMPI MASATE 1:23

Kumpipa kiangah, “Hih lai ah kamsang pa Nathan om hi,” ci-in a kigen hi. Kumpipa mai ah amah hong pai ciangin a mai lei lam ngatin kumpipaʼ mai ah a kun hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlahʼ tapa Mikaiah a kici mi khat om lai hi. Ahih hangin amah in keiʼ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 1:32

Tua ciangin Kumpi David in siampi Zadok, kamsang Nathan le Jehoiadaʼ tapa Benaiah samsak hi. Tua ahih ciangin kumpipaʼ mai ah amaute hong pai uh hi.

Paunak 10:8

Mipilte in thuhilhna mang a, a hai paute in lungkhamna tuak hi.

Paunak 13:1

Ta pil in a paʼ hilhna mang a, a kihisak mi in a khial min pua nuam lo hi.

Paunak 19:25

Thu thei lote in satna bek tawh pilna ngah zo a, thungaihsun theite in taina lel tawh pilna ngah zo uh hi.

Isaiah 36:21

Ahih hangin kumpipa in, “Dawng kei un,” ci-in thu pia khol ahih manin amaute daitakin om uh a, kam khat beek dawng lo uh hi.

Paunak 1:5

Mi ciim sate ciimsak semsemin, mi pil sate pilsak semsemin,

Paunak 23:23

Thuman, pilna, siamna, thungaihsut theihna lei in; zuak khiat dingin tuate pammaih lua hi.