Paunak 9:6 - Tedim Bible Revision 2017

⁶ Thu thei lote taisanin khansau unla, pilna lampi zui un,” cisak hi.

Tedim Bible

⁶ Thu thei lote taisanin khan’sau un la, pilna lampi zui un,” ci sak hi.

Paunak 9:6 Referans Kwoze

Paunak 13:20

Mipil tawh kikhawl lecin na pil dinga, mihai tawh kikhawl lecin gimna na thuak ding hi.

Paunak 4:11

Na pil nading lampi kong hilh zo a, na gamtatzia ding kong gen zo hi.

Luka 13:24

Jesu in amaute kiangah, “Kong kawcik tawnin na lut nadingun hanciam un. Note kiangah kong genin ah, mi tampi tak in lut ding a hanciam uh hangin lut zo lo ding uh hi.

2 KORIN NIHNA 6:17

Tua ahih manin Vanglian Topa keimah in kong genin ah: Amaute tawh kikhenin amaute kiang panin paikhia unla, a siang lo peuhmah su kha kei un. Tua hileh note ka hong ngai ding hi.

Mangmuhna 18:4

Tua ciangin vantung panin aw dang khat ka za a, “Keima mite aw, a mawh gamtatna ah kihel kha-in a gim thuakna thuakpih kha ding na hih manun hong paikhia un.

Sawltak 2:40

Tua ciangin Peter in amaute tungah thu tampi gen thuahin hanthawn a, “Hih migiloteʼ gimthuak ding na tuah khak loh nadingun nomau mah in na suahtak nading uh lampi zong ciat un,” a ci hi.

Paunak 9:11

Pilna in na khang hong khan dinga, na nuntakna hong sausak ding hi.

Paunak 8:35

Kei hong mu mi in nuntakna a mu hi a, Topaʼ mai ah maipha ngah ahi hi.

Late 119:115

No, siatna a bawlte aw, Pasianʼ thupiakte ka zuih theih nadingin kei kiang panin paikhia un.

Late 45:10

Tanu aw, ngai dih in; ngaihsun inla, na bil hong ngat in. Na mite le na behte mangngilh in.

Paunak 10:17

Kihilhna manna nuntak lampi zuihna hi a, hilhna man nop lohna lampi lauhuai zuihna ahi hi.

Paunak 23:19

Ka ta aw, ka thu ngai inla, mipil suak in; lampi man zuih ding ngaihsutpi-in nei in.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute pen keima mi hi-in, kei pen amauteʼ Pasian ka hi ding hi.

Ezekiel 37:24

Ka nasem pa David pen amauteʼ kumpi hi dinga, mi khatʼ ukna nuai ah amaute kigawmin, ka thukhamte hoihtakin zui ding uh hi.