Paunak 9:3 - Tedim Bible Revision 2017

³ Khua sung mun sang khempeuh panin mi a sam dingin a nasem numeite sawl a,

Tedim Bible

³ Khua sung mun sang khempeuh panin mi sam dingin, amah in a nasem numeite sawl a,

Paunak 9:3 Referans Kwoze

Paunak 9:14

ama kong gei ah ahi a, a sang pen munah ahi zongin amah tu a,

Late 68:11

Topa in thu pia hi: Hih thu a pua mihonte tam mahmah uh a,

ROM (Romans) 10:15

A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.

Johan 18:20

Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Johan 7:37

Pawi bei ni ding pen a thupi pen ni hi a, tua ni-in mihon lakah Jesu dingin nakpi takin kiko a, “A dangtak na om uh leh ka kiangah hong pai unla tui hong dawn un.

Luka 14:17

Annek ding hun ciangin a nasem pa sawl a, ‘Tu-in na khempeuh a baih sa-in om khin ahih manin hong pai ta un,’ ci-in a khoh sa mite a samsak hi.

Luka 11:49

Tua thu hangin Pasianʼ Pilna a kici laibu sungah, ‘Amaute kiangah kamsangte le sawltakte ka sawl dinga, amaute in tua mite pawl khat bawlsia-in na that ding uh hi,’ ci-in kigelh hi.

Mattiu 22:9

Tua ahih manin lam lianpi ah va pai unla, mi na muh zahzah uh hong sam un,’ a ci hi.

Paunak 9:16

“Thu thei lote aw, hong pai un,” ci-in samin, mihaite kiangah,